Sport

Armando Broja hipën në avion me Chelsean, prova kundër Real Madrid dhe Cityt

Armando Broja do të udhëtojë me Chelsea-n në turin parasezonal të ekipit në SHBA. Sulmuesi kuqezi është pjesë e listës me 28 futbollistë të përpiluar nga trajneri i ri Enzo Maresca.

Armando Broja

Redaksia 23 Korrik 2024, 17:37 | Përditesimi: 23 Korrik 2024, 17:40

Armando Broja do të udhëtojë me Chelsean në turin parasezonal të ekipit në SHBA. Sulmuesi kuqezi është pjesë e listës me 28 futbollistë të përpiluar nga trajneri i ri Enzo Maresca.

Blutë e Londrës do të kenë ndeshjen e tyre të parë të mërkurën kundër Wrexam në stadiumin “Levi” në Santa Clara, në Kaliforni, e në vazhdim do të përballen me Celtic dhe Club America.

Chelsea do të masë forcat edhe me Manchester Cityn në ‘Columbus’ dhe me Real Madridin në Charlotte më 7 Gusht. Në total, tekniku Maresca ka lënë jashtë shumë lojtarë. Mes tyre ka edhe emra të mëdhenj dhe mospërshirjet e Lukakut, Kepa Arrizabalagas, Chalobah, Cesare Casadei, David Datro Fofana dhe Sarr, vazhdojnë që të shtojnë spekulimet se ata mund të largohen nga “Stamford Bridge” këtë verë.

LEXO EDHE:
VIDEO/ Ernest Muçi e bën të duket shumë e lehtë, supergol nga sulmuesi kuqezi

Kjo thirrje është një test për Brojën, e ardhmja e të cilit është e paqartë në “Stemford Bridge”. Për sulmuesin kuqezi ka interesim nga klube në Serie A dhe në Premier League. Por pjesëmarrja në këtë tur parsezonal dhe një paraqitje e mirë e Brojës mund të bindë trajnrein Maresca që ta mbajë edhe këtë sezon te Chelsea.

S.Dh/Shqiptarja.com

TAG:

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com