Armando Broja ka lënë pas dëmtimin dhe do jetë gati për Chelsea. Ky është një lajm i mirë edhe për Kombëtaren kuqezi në prag të dy ndeshjeve kualifikuese për grupin E të Euro 2024.
Trajneri Mauricio Pochettino ka konfirmuar sot se 22-vjeccari shqiptar është bashkuar me grupin dhe dhimbja në gju është lënë pas.
“Armando Broja do të jetë i gatshëm të hënën kundër Tottenham dhe mund të luajë disa minuta”, tha Pochettino. Kujtojmë se për nëntë muaj Broja qëndroi jashtë dhe pas rikthimit ndjeu sërish dhimbje, që e mbajti jashtë edhe për disa javë.
![](https://shqiptarja.com/template/img/NO_ALFA_Kuadrate shqiptarja.png)
Duket se edhe Sylvinho do e ketë një ftesë për djaloshin, në prag të ndeshjeve që Kombëtarja luan me Moldavinë dhe Ishujt Faroe, më 17 dhe 20 nëntor.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)