Armenia njofton armëpushim pas luftimeve me Azerbajxhanin: U arrit falë përfshirjes së ndërkombëtarëve

Armenia njofton armëpushim pas luftimeve me Azerbajxhanin: U arrit falë përfshirjes së ndërkombëtarëve

Ushtarë në Armeni

Një zyrtar i lartë armen tha të mërkurën vonë se është rënë dakord për një armëpushim me Azerbajxhanin pas dy ditësh sulme e dhunë për shkak të një mosmarrëveshje dhjetëvjeçare midis ish-shteteve sovjetike mbi territorin e Nagorno-Karabakut.

Por, ende nuk është bërë asnjë deklaratë për armëpushim nga Azerbajxhani, për të ndalur shkëmbimet më vdekjeprurëse midis vendeve që nga viti 2020.

Rusia është forca diplomatike kryesore në rajon dhe mban 2000 ushtarë atje. Moska ndërmjetësoi marrëveshjen që i dha fund luftimeve të vitit 2020 - të quajtura si lufta e dytë e Karabakut - në të cilën vdiqën qindra njerëz.

Agjencitë ruse të lajmeve cituan Armen Grigoryan, Sekretar i Këshillit të Sigurimit të Armenisë, të ketë thënë për televizionin lokal: "Falë përfshirjes së komunitetit ndërkombëtar, është arritur një marrëveshje për një armëpushim".

Në njoftim thuhej se armëpushimi kishte hyrë në fuqi prej disa orësh. Ministria e Mbrojtjes e Armenisë ka thënë më herët se të shtënat në zonat kufitare ishin ndalur. Secila palë fajëson tjetrën për përplasjet e reja.

Kryeministri armen Nikol Pashinyan ka thënë më parë në parlament se 105 ushtarë armenë janë vrarë që nga fillimi i dhunës këtë javë. Azerbajxhani, nga ana tjetër, raportoi për 50 ushtarë të vdekur në ditën e parë të luftimeve.

D.GJ/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Qeveria shpërblim 5 mijë lekë për pensionistët, si e vlerësoni?



×

Lajmi i fundit

VIDEO/ Në Tiranë festojnë eleminimin e Serbisë nga Botërori

VIDEO/ Në Tiranë festojnë eleminimin e Serbisë nga Botërori