Juristi Kreshnik Spahiu, ka komentuar arratisjen e 'ushtarit' të Çopjave Altin Ndoci nga Spitali i Durrësit, ditën e sotme, ndërsa ngriti pikëpyetje mbi mundësinë e bashkëpunimit nga brenda strukturave të policisë për arratisjen e tij.

Në një lidhje skype për emisionin ‘Repolitix’ në Report Tv, Spahiu tha se mënyra e arratisjes nuk tregon një plan profesional të mirëorganizuar.

‘Arratisje të burgosurish ndodhin kudo, në 90 për qind ndodhin jashtë vendeve të paraburgimit në vendet ku ata punojnë apo si në rastin konkret që është spitali. Por duhet të dihet nëse është arratisje e një anshme apo kemi një bashkëpunim nga brenda burgut për arratisjen e këtij të burgosuri. Duhet parë a është rastësi që largohet një i burgosur teksa organizohet një festë në polici, është rastësi që nuk është njoftuar policia dhe spitali.  

Ajo që bie në sy është se nuk është shumë profesionale, po ta shohësh mënyrën si është larguar nuk mendoj se është shumë e sofistikuar. Polici ka tentuar që ta tremb duke e gjuajtur por mund të kishim rrethana që ta vriste kur e qëlloi. Policia ka të drejtën për ta qëlluar një person që po arratiset dhe është për tu ngritur pikëpyetje mbi atë që polici qëllon njëherë në tokë, njëherë në tavan’, tha ai.

Spahiu theksoi se nga kjo ngjarje del në pah një problem i madh që lidhet me përgatitjen fizike dhe profesionale të forcave të policisë, përfshirë edhe paaftësinë për përdorimin e armëve të shërbimit.

'Nga gjithë kjo ngjarje një fakt është i padiskutueshme që ne kemi forca policie të papërgatitura fizikisht deri edhe tek të papaërgatitura për përdorimin e armëve. Kjo hedh dritë mbi paaftësinë e policisë së burgjeve’, tha ai.

Rendit zhvillimet sipas orarit:
Ora 22:43
Ironia e Spahiut: Pse policia sot nuk e shoqëroi vrasësin me 20 policë si Erion Veliajn dikur në spital?

Juristi Kreshnik Spahiu ka komentuar mënyrën se si Policia shoqëron të burgosurit në spitale, duke ngritur dyshime për standarde të dyfishta.

Spahiu tha se policia nuk e shoqëroi një person të akuzuar për vrasje me masa të shtuara sigurie, ashtu siç kishte vepruar më parë në rastin e kryebashkiakut të Tiranës, Erion Veliaj, i cili ishte shoqëruar në spital nga rreth 20 efektivë policie.

'Standardi rutinë që përdor policia është ky i sotmi apo ai që përdori për Erion Veliajn. Pse policia sot nuk e shoqëroi vrasësin me 20 policë si Erion Veliajn dikur në spital? Policia që shoqqëron të burofusit në spitale mendoj se i bënë në këtë mënyrë që u bë sot. Nuk mendoj se policia rri aty edhe kur bëhet kolonoskopi gjatë ekzaminimit mjekësor. Aq e rëndë është situata dhe në video nuk shihet se kush është polici dhe kush është i pandehuri. Lë shumë për të dëshiruar si shoqërohen të burgosurit në spitale. Dhe kemi dy standarde, një person që është me rrezikshëmëri për shkak të veprës, sepse ajo vepër për të cilën akuzohet ai politikani është me rrezik më të vogël se një vrarës. Një vrarës duhet që të shoqërohet me një siguri 10 herë më të lartë’, tha ai.

S.B/Shqiptarja.com