TIRANË- Gjykata e Lushnjes ka vendosur masën e sigurisë "Arrest me burg", për ish-Drejtorin e OSSHE-së në qytetin e Lushnjes, Dine Aliaj.
I arrestuar disa ditë më parë, Aliaj akuzohet nga Prokuroria e rrethit të Lushnjes se kishte abuzuar me energjinë elektrike. Sipas hetimeve, rezultoi se ish-Drejtori OSSHE-së, ka fatura të muajve të ndryshëm, në të cilat vlera që duhet të paguante ky shtetas për lokalin, në të cilin kishte hapësirë për organizime festimesh, ishte 200 lekë. Po ashtu, disa muaj të tjerë, po për lokalin, shifrat e faturave arrinin në vlerën 2 mijë deri në 3 mijë lekë, ndërkohë që janë krijuar dyshime të arsyeshme se shuma e konsumuar nga ky ambjent privat (lokal) është shumë herë më e lartë. /ATSh/