Arrestimi i Erzen Breçanit jashtë stadiumit, gazetari zbardh detaje: Policia ishte e paralizuar, ndjehej frika se dikush mes tyre mund ta kishte radhën

 

Gazetari i Report Tv, Sokol Dema ka dhënë detaje lidhur me operacionin ku u arrestua edhe ish-drejtori i policisë së Tiranës Erzen Breçani teksa ndodhej në hyrje të stadiumit ‘Air Albania’ për të ndjekur ndeshjen kundër Ishujve Faroe.

I ftuar në studion e emisionit “5 pyetjet”, Dema tha se ditën që u krye ky operacion, policia ka qenë pothuajse e ‘paralizuar’, duke shtuar se ndjehej një lloj frike mes efektivëve që mund të kishin marrë pjesë në aktivitete kriminale.

“Ditën që u krye operacoioni i SPAK-ut për arrestimin e Breçanit policia e shtetit ka qenë e paralizuar. Dallohej në ajër që kishte një frikë se mos “ndoshta e kam rradhën unë”. Rasti konkret, ka marrë 2-3 oficerë të operacionales pa u treguar se kë do arrestojnë dhe vetëm i kanë drejtuar gishtin duke u thënë të arrestohet.  Ndjehej në ajër që kishte një frikë nga ana e policisë.  Në sky kanë dalë më shumë se 200 punonjës policie por disa prej tyre janë thjesht përmendur aty”- tha gazetari.

Lajmi kryesor:

Përgjimet që tronditën policinë/ Gazetari Dema: 70 efektivë hetohen nga SPAK! Ka shefa që janë dorëhequr! Hajdari: Duhet operacion i pamëshirshëm

B.V/Shqiptarja.com

TAG:
• shkelqim hajdari
• 5 pyetjet nga babaramo
• Sokol Dema
• policia e shtetit
• spak
• Erzen Breçani