Gjykata e Kukësit vendos të lërë në burg Ajdin Sejdinë, biznesmenin e arrestuar dy ditë më parë në pikën kufitare të Morinës për llogari të Interpol.

Masa e sigurisë ndaj Sejdias është dhënë me 40 ditë afat, kohë e cila do t’i shërbejë organeve të drejtësisë për të bindur Gjykatën të lejojë ekstradimin drejt Emirateve të Bashkuara Arabe.

Ajdin Sejdia është kthyer prej kohësh i në Shqipëri. Ai është futur sërish në botën e biznesit, por këtë herë me një projekt për parkun Industrial të Spitallës, ku me firmën e tij “Sky Master Projekt Holding” përfaqësohej si aksioner i vetëm.

Ky shtetas nuk ishte hera e parë, që qarkullonte jashtë Shqipërisë apo lëvizte i lirë dhe për policinë mund të ishte ndaluar dhe më parë.

Redaksia Online
(ad.ti/shqiptarja.com)