POP 5

Lajmet më të lexuara të 5 minutave të fundit

Sport

Ndalohet futbollisti i Sevillas, akuzohet për baste sportive! Rrezikon tre vite burg

Ylli i Sevillas, Kike Salas u arrestua për dyshimin se kishte marrë kartona të verdhë të qëllimshëm gjatë ndeshjes.

Ndalohet futbollisti i Sevillas, akuzohet për baste sportive! Rrezikon tre vite burg

Kike Salas

Ylli i Sevillas, Kike Salas u arrestua për dyshimin se kishte marrë kartona të verdhë të qëllimshëm gjatë ndeshjes. Mbrojtësi i Spanjës U -21, Salas është nën hetim për sjelljen e tij në fund të sezonit 2023-24, sipas gazetës spanjolle El Confidencial dhe rrezikon deri në tre vite burg.

Policia e arrestoi duke e akuzuar atë për 'krimin e mashtrimit për përfshirjen e tij të dyshuar në një rrjet të paligjshëm bastesh'. Një gjykatë në Morón de la Frontera, vendlindja e mbrojtësit, ka hapur tashmë një hetim ndaj tij dhe dy të rinjve të tjerë që besohet se janë pjesë e rrethit të tij të besuar.

Nuk përjashtohet mundësia që të përfshihen edhe më shumë njerëz në hetim. Ndalimi i lojtarit zgjati disa orë. Ai u lirua pas deklaratave në gjykatë,  shkoi në qendrën sportive të Sevillas dhe u stërvit me pjesën tjetër të ekipit.

Sevilla aktualisht pozicionohet e 13-ta në La Liga. Klubi, nga ana e tij, beson në pafajësinë e lojtarit, por ai do hetohet në gjendje të lirë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Po transportonte 10 kilogramë kanabis, arrestohet në flagrancë një person te mbikalimi i Shkozës 

Po transportonte 10 kilogramë kanabis, arrestohet në flagrancë një person te mbikalimi i Shkozës 

15 Janar, 17:23