POP 5

Lajmet më të lexuara të 5 minutave të fundit

Kronikë

Arrestohet mësuesi që ngacmoi seksualisht nxënësen në Berat, prindërit e të miturës: Na kërcënoi që mos ta denonconim!

Mësuesi nga Skrapari Servet Bejo, 62-vjeç,është ndaluar nga efektivët e policisë dhe prej disa orësh ndodhet në ambientet e Komisariatit të Policisë së Beratit, ku po merret në pyetje në lidhje me ngjarjen. Burime të brendshme policore konfirmojnë se në ambientet e policisë është shoqëruar edhe e mitura 14-vjeçe së bashku me prindërit e saj.

Arrestohet mësuesi që ngacmoi seksualisht nxënësen në Berat, prindërit e të miturës: Na kërcënoi që mos ta denonconim!

Foto ilustruese

Pas denoncimit të bërë dje në media për një mësues që akuzohej nga nxënësja e tij se e kishte ngacmuar seksualisht, është vënë menjëherë në lëvizje sot policia e Beratit. Mësohet se mësuesi nga Skrapari, Servet Bejo, 62-vjeç,është ndaluar nga efektivët e policisë dhe prej disa orësh ndodhet në ambientet e Komisariatit të Policisë së Beratit, ku po merret në pyetje në lidhje me ngjarjen. Burime të brendshme policore konfirmojnë se në ambientet e policisë është shoqëruar edhe e mitura 14-vjeçe së bashku me prindërit e saj.

Ajo është duke u marrë në pyetje, jo vetëm në prani të prindërve por edhe të dy psikologeve të DVP Berat, për të deklaruar të plotë ngjarjen e ndodhur në datën 10 Nëntor në shkollën e saj në fshatin Barç të Skraparit. Sipas burimeve policore, mësohet se vajza ka deklaruar në polici se mësuesi i saj e kishte puthur në buzë e kishte kapur për flokësh dhe e e kishte ngjeshur në mur dhe vetëm kur vajza kishte bërtitur ai e kishte lëshuar. Ende nuk dihet dëshmia e plotë që është duke dhënë e mitura në policinë e Beratit, ndërkohë që mësohet se ndaj mësuesit janë duke dëshmuar edhe prindërit e disa familjarë të vajzës, sipas të cilëve mësuesi i ka kërcënuar pas ngjarjes që askush prej tyre të mos denonconte.

Mësohet se edhe pse vajza kishte vënë në dijeni drejtoreshën e shkollës, askush nuk kishte njoftuar policinë e cila e ka mësuar ngjarjen nëpërmjet mediave. Mësohet se mësuesi Servet Bejo është larguar nga shkolla menjëherë pas ngjarjes dhe prej 11 Nëntorit 6 fëmijët e shkollës 9-vjeçare në fshatin Barç nuk bëjnë mësim pasi shkolla është e mbyllur.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Aksident në Vlorë-Fier, makina përfundon në kanal, çifti i bashkëshortëve dërgohen me urgjencë në spital

Aksident në Vlorë-Fier, makina përfundon në kanal, çifti i bashkëshortëve dërgohen me urgjencë në spital

10 Janar, 10:15