Në një intervistë për gazetën argjentinase “La Nacion”, Sacchi u shpreh se Messi është lojtari më i mirë në botë por jo më i miri i të gjithë kohërave.
“Futbollisti argjentinas është lojtari më i mirë në botë për momentin, por ai nuk ka personalitetin e Maradonës”- u shpreh Sacchi. “Diego ka bërë diferencën në Itali dhe Spanjë”- vijoi ai.
Ndërkohë pyetjes se kush ishte më i miri Maradona apo di Stefano, ish trajneri Italian nuk dha një emër specifik. Sipas tij argjentinasi ishtë më i talentuar ndërsa Alfredo ishte i kudogjendur.
Në intervistën për “La Nacion”, Sacchi komentoi edhe vendimin e yllit të Argjentinës për t’u larguar nga kombëtarja.
“Unë e kuptoj situatën në të cilën ndodhet Messi, po ai duhet të ndryshoj mendje. Ne nuk mund të humbasim lojtarin më të mirë në botë”- tha ai.
Redaksia Online
(B.K/Shqiptarja.com)