PRISHTINE-Pas 4 muajsh nga zgjedhjet e parakohshme të 6 tetorit në Kosovë, më në fund sot është arritur marrëveshja për krijimin e qeverisë së re mes Lëvizjes Vetëvendosje dhe LDK-së. Nesër do të votohet në Kuvendin e Kosovës kabineti i ri qeveritar. Por cilat janë risitë dhe si u ndanë postet? Qeveria e re do të ketë 15 ministri (6 VV, 6 LDK+3 minoritetet) nga 12 që u deklarua fillimisht, ndërsa kryetarin e Kuvendit Glauk Konjufca nga Lëvizja Vetëvendosje e gëzoi vetëm pak ditë, pasi drejtimin do ta marrë një përfaqësues i LDK-së që do të vendoset sot nga kjo parti dhe do të votohet nesër. Konjufca nga kryetar Kuvendi, Kurti tha se do të jetë pjesë e ekzekutivit të ri. Posti i Presidentit që mbajti peng palët për shumë kohë sërish nuk u zgjidh, por Kurti dhe Mustafa u shprehën se vendosën që ta lënë këtë temë diskutimi për në momentin që Thaçit do i mbarojë mandati.
"Kur na ndan vetëm një ditë nga seanca e Kuvendit të Kosovës në të cilën do të zgjedhim qeverinë e re. Ne sot u takuam me kryetarin e LDK-së, u dakorduam dhe të takohemi edhe nesër, por për ta zgjedhur qeverinë e re. Ne tashmë e kemi nënshkruar marrëveshjen. Jemi marrë vesh për të gjitha. Kryetari Mustafa do të mbajë mbledhje të Këshillit të Përgjithshëm. Ju falenderoj për durimin dhe përkrahjen që keni treguar gjatë këtij procesi që nuk ka qenë i lehtë. Jemi dakorduar që të kemi 15 ministri, 2 zv/ kryeministra dhe 33 zv/ ministra. Nga 21 ministri do të kemi vetëm 15 dhe nga mbi 80 zv/ministra do të biem në 33, kjo tregon se qeveria pa e nisur punën ka bërë një ndryshim të madh, është qeveria më e vogël në historinë e Kosovës.
Kemi vlerësuar që synimi ynë që të kemi 12 ministri ka qenë i drejtë, por është tendecë e jona për të kursyer sa më shumë, por kur kemi analizuar strukturat, krijimi i disa super ministrive është dëshmuar se është kosto më e madhe se të kemi 12 ministri. Nëse ne nuk do të bënim një gjë të tillë, do të zvarritej edhe për një vit reduktimi në 12 ministri, pra më mirë ta bëjmë më shumë në 15 ministri. Jemi dakorduar që kryetari i Kuvendit e propozon VV kandidatin e LDK-së për të ecur përpara. Nuk do të jap dorëheqje Konjuca, ai do të vijë në ekzekutiv. Është e vërtetë që ka pasur një lloj zgjatje për shkak të interesimit të madh. Realisht ne nuk jemi vonuar aq sa është dukur për shkak se deri në 26 dhjetor ka qenë e pamundur të bëjmë dicka më herët dhe tani kushtetuta më jep 15 ditë për të formuar qeverinë" u shpreh Albin Kurti para medieve.
Ndërsa Isa Mustafa tha se postin e Presidentit do të zgjidhin vetë ai bashkë me Kurtin në kohën që është e domosdoshme. "Ne kemi arritur marrëveshje. E vlerësojmë se është një marrëveshje e mirë, është në interes të ndryshimeve që duhet të ndodhin domosdoshmërish në vendin tonë. Është rezultat i mirëkuptimit dhe një pune të përbashkët mjaft të gjatë. I kemi hulumtuar të gjitha alternativat dhe mundësitë. Kemi ardhur bashkarisht në një zgjidhje që mendojmë se është në interes të Kosovës. Ajo që dëshirojmë në të ardhmen është që kjo qeveri të jetë e suksesshme dhe t’i realizojë pritjet e tyre. Sa i përket Presidentit, jemi marrë vesh që të mos jetë pjesë e marrëveshjes që sot e kemi nënshkruar, të jetë një cështje që do të dakordohemi si lider politik dhe do ta zgjidhim në kohën që është e domosdoshme. Për kryetarin e Kuvendit do të vendosim sot, parimisht kemi thënë se kryetarin e Kuvendit do ta marrë ai ose ajo që LDK-së i ka dhënë besimin" përfundoi Mustafa. Tashmë nesër Kosova do të ketë qeverinë e re të dalë nga zgjedhjet e 6 tetorit, që nxori parti të parë Vetëvendosjen dhe LDK-në të dytë, por me vetëm një deputet më pak.
Isa Mustafa arriti marrëveshjen me Vetëvendosjen, por duket se tani po has vështirësi me të tijët. Mediat në Prishtinë raportojnë se Vjosa Osmani, është përplasur me krerët e partisë rreth mënyrës se si kanë vendosur t’i ndajnë postet ministrore. Vjosa Osmani ka refuzuar postin e kryetares se Kuvendi duke kërkuar postin e Ministres së Punëve të Brendshme dhe atë të Zëvendëskryeministres. Mirëpo, kjo gjë nuk ka ndodhur për shkak se Isa Mustafa ka vendosur t'i besojë këtë post Agim Veliut.
Kur na ndajnë pak orë nga dita e nesërme kur do të votohet qeveria e re e Kosovës, mediat në Prishtinë kanë publikuar disa nga emrat nga Lëvizja Vetëvendosje në postet ministrore.
Emrat e ministrave nga VV
Haki Abazin-zv/kryeministër i dytë
Albulena Haxhiu-ministre e Drejtësisë
Glauk Konjufca nga kryetar Kuvendi-ministër i Jashtëm
Besnik Bislimi-ministër i Financave
Rozeta Hajdari-ministër i Ekonomisë
Arben Vitia-ministër i Shëndetësisë dhe Sportit
Mediat në Prishtinë kanë zbuluar emrat e parë që po lakohen për postet e ministrive nga radhët e LDK-së, teksa në krye të Kuvendit sipas të gjitha gjasave do të jetë Vjosa Osmani.
Emrat e ministrave që pritet që të propozojë LDK-ja
Avullah Hoti -zv/kryeminister
Agim Veliu-ministër i Brendshëm
Anton Quni-ministër i Mbrojtjes
Besian Mustafa-ministër i Bujqësisë
Hykmete Bajrami-ministër i Arsimit
Vlora Dumosh-Zhvillimi Ekonomik
Komente
Lajme të tjera
-
Kurti: Sulmin në kanalin e Ibër-Lepencit e urdhëroi Radoiçiçi, Serbia e financoi! Para dhe pas vitit të ri mund të ketë sulme terroriste në Kosovë
24 Dhjetor, 17:45 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Kosovë/ 100 eurot për fëmijë dhe pensionistë, fushatë zgjedhore apo ndihmesë?
23 Dhjetor, 18:47 -
Deputeti i PDK-së flet për Report Tv: Fjalimi i Ramës në parlamentin e Kosovës gjithpërfshirës, dha mesazhe se jemi një! Negativiteti i Vetëvendosjes, i pashpjegueshëm
23 Dhjetor, 12:21 -
Qeveria e Kosovës, bonus 100 euro për pensionistët dhe për fëmijët deri në moshën 16 vjeç
22 Dhjetor, 12:30 -
Starlink në Kosovë, Kurti: Hap i rëndësishëm në avancimin e infrastrukturës dixhitale
22 Dhjetor, 10:49 -
Qeverisje me duar jo edhe aq të pastra në Kosovë
21 Dhjetor, 16:04
-
Takimi i dy Kuvendeve/ Spahiu për Report TV: Kurti premtoi bashkim kombëtar, por për 4 vjet shpiku idenë e kombit kosovar! Të hiqen kufijtë Shqipëri-Kosovë
21 Dhjetor, 15:36 -
Veton Surroi: Fjalimi që kryeministri i Kosovës nuk duhet ta mbajë në Tiranë më 2025
20 Dhjetor, 20:29
-
Prokuroria Speciale e thërret për herë të dytë kryeministrin Albin Kurti për dëshmi
20 Dhjetor, 15:31 -
Rama e Kurti shkëmbejnë mesazh me letër në Kuvendin e Prishtinës, 6 minuta takim kokë më kokë! Report Tv zbulon çfarë ndodhi pas kamerave
20 Dhjetor, 13:47 -
Shqipëri-Kosovë një Kuvend, Rama: Pezmatimi i aleatëve po pengon! 'Ngrini' dialogun me Serbinë, normalizimin synojeni me BE! Osmani: Të unifikojmë politikën e jashtme
20 Dhjetor, 07:28
Cjane keta njerez te peshtire qe fryhen si kaposha .thua se jane duke heroizma kur kane me se 4 muaj dhe nuk krijojne nje qeveri..
PërgjigjuPazaret politike janë më të poshtrat. nuk e kuptoj, nga 12 në 15 ministri VV dhe LDK kanë nga 5, i bie që 5 të tjerat ti kenë pakicat?! Çfarë qeverie i bie të jetë kjo?!
PërgjigjuKESAJ I THONE TE BASHKEPUNOSH ME HAJDUTERINE..... KRYEHAJDUTI ISA MUSTAFA ESHTE I REZIKSHEM..... I BERE MUTIN O ALBIN.....
PërgjigjuVjosa here tjeter kur ti paraqitesh kosovareve per vota o paraqitu si lidere ose thuju qe i pare eshte isa te dyja nuk bejne
Përgjigjubravo Kurti, arrite te bindesh komunistin varrmihes!-sic ka shpirtin ashtu edhe dukek- morr***k!
PërgjigjuURIMI IM MË I SINQERT PËR DARDANËT, IU DËSHIROJË SUKSESE...!!!
Përgjigju“Do te lulezojn”
Përgjigjuja legenat i ndane karriget mbas 4 muajsh....te shohim tani nga fjalet e shumta te bejne ndonje pune
PërgjigjuBoll mire, mjafton qe Ramushi te marre pushimet e te filloj te shkruaj kujtimet e luftes, sepse ne fakt per ate periudhe ka kontribute te spikatura.
Përgjigju