Pas më shumë se 6 orësh në negociata, dy kryenegociatorët e Serbisë dhe Kosovës ranë dakord për zbatimin e një marrëveshjeje, me ndihmë të shefit të diplomacisë së BE-së, Borrell. SHBA ka mirëpritur marrëveshjen e arrirë mes Kosovës dhe Serbisë në kuadër të shmangies për përshkallëzimin e mëtejshëm të tensioneve.
Në një deklaratë të zëdhënësit të Departamentit amerikan të Shtetit Ned Price përgëzohet marrëveshja e të dy vendeve “për t'u përqendruar plotësisht dhe urgjentisht në normalizimin e marrëdhënieve nën kujdesin e dialogut të lehtësuar nga Bashkimi Evropian”, të cilin Shtetet e Bashkuara e vlerësojnë si “rrugën më e mirë për të çuar përpara të ardhmen evropiane të Serbisë dhe Kosovës”.
Në deklaratë mirëpritet “vendimi i palëve për të vënë interesat e të gjithë qytetarëve të tyre në krye të vendimmarrjes dhe që të ndërmarrin hapa për të përmirësuar jetën e përditshme të qytetarëve të tyre. Të dyja palët bënë një hap gjigant përpara sot, me lehtësimin e BE-së, drejt garantimit të paqes dhe qëndrueshmërisë në të gjithë rajonin”.- tha Price.
Një përshëndetje të marrëveshjes së arrirë ka ardhur edhe nga një këshilltari i Departamentit të Shtetit amerikan, Derek Chollet ku tha se ka patur një bisedë konstruktive me Albin Kurtin.
“E falënderova për angazhimin konstruktiv në gjetjen e një rruge përpara për uljen e tensioneve dhe angazhimin për të punuar urgjentisht për normalizimin e marrëdhënieve ndërmjet Kosovës dhe Serbisë në dialogun e lehtësuar nga BE-ja, të cilin SHBA-ja e mbështet fuqishëm”, shkroi ai në rrjetin Tëitter.
Edhe Presidentja e Kosovës, Vjosa Osmani e falënderoi ambasadorin amerikan në Prishtinë Jeff Hovenier dhe qeverinë amerikane “për angazhimin e tyre aktiv në arritjen e marrëveshjes në Bruksel.
Dua të falënderoj@USAmbKosovo Jeff Hovenier dhe Qeverinë Amerikane për angazhimin e tyre aktiv në arritjen e marrëveshjes së sotme në Bruksel. Mbështetja e tyre për procesin e dialogut mes Kosovës dhe Serbisë është e domosdoshme. Kosova është mirënjohëse.”- shkroi Osmani.
Kosova dhe Serbia arritën dje një marrëveshje lidhur me çështjen e targave të makinave që përdoren nga qytetarët serbë në veriun e Kosovës, që kishte shtuar shqetësimet për nxitje tensionesh të reja në zonë.
Bashkimi Evropian tha se pas kësaj marrëveshjeje është koha për t'u përqendruar plotësisht në propozimin evropian për normalizimin e marrëdhënieve mes tyre, një nismë e cila u bë e njohur si propozimi franko-gjerman, i mbështetur nga Shtetet e Bashkuara.
Komisioneri për Fqinjësi dhe Zgjerim i Bashkimit Evropian, Oliver Varhelyi, ka mirëpritur arritjen e marrëveshjes për targat në mes të Kosovës dhe Serbisë, e cila është arritur mbrëmë.
Në llogarinë e tij në “Twitter”, ai ka shkruar se kjo marrëveshje ishte një hap i mirë për të shmangur përshkallëzimin e situatës.
“Mirëpresim lajmin se një marrëveshje e lehtësuar nga BE-ja midis Beogradit dhe Prishtinës ishte e suksesshme për të shmangur përshkallëzimin e mëtejshëm. Negociatat duhet të vazhdojnë drejt normalizimit të marrëdhënieve”, ka shkruar ai.
Të mërkurën, Shefi për Politikë të Jashtme dhe Siguri i Bashkimit Evropian (BE), Josep Borrell ka njoftuar për arritjen e marrëveshjes teknike për targat.
Lista Serbe ka mirëpritur marrëveshjen e arritur në Bruksel, dhe ka thënë se targat KM mbeten në përdorim.
“Duam t’i informojmë qytetarët se të gjithë pronarët e automjeteve me targa KM (Mitrovicë e Kosovës) do të mund të funksionojnë normalisht, dhe kur të skadojë regjistrimi i tyre ekzistues do të mund ta zgjasin vlefshmërinë e regjistrimit si më parë”, thuhet në njoftimin e tyre në Facebook
Ambasadori amerikan në Kosovë, Jeffrey Hovenier, ka thënë se marrëveshja e arritur të mërkurën mes Kosovës dhe Serbisë për targat, e shton sigurinë dhe avancon përpjekjet për normalizim mes vendeve.
“Vlerësojmë qasjen konstruktive dhe fleksibilitetin që rezultoi në këtë marrëveshje të rëndësishme ndërmjet Kosovës dhe Serbisë. Marrëveshja shton sigurinë dhe avancon përpjekjet për normalizimin e marrëdhënieve”, ka shkruar ai në Twitter.
Komente
Lajme të tjera
-
NBA/ LeBron fiton 'betejën' me Curry-n, mposhten kampionët e Boston
26 Dhjetor, 13:51 -
Kosova mbyll dy ndërmarrje publike serbe në veri
26 Dhjetor, 12:52 -
Fluturimi i dronit në Shtëpinë e Bardhë, urimet e fundit për festat e fundvitit të Biden për amerikanët
26 Dhjetor, 11:52 -
FOTO/ Mbrojtësi i Interit kalon Krishtlindjet në Gjakovë me të dashurën shqiptare
26 Dhjetor, 11:26 -
Albin Kurti 42 km rrugë? Gjatë mandatit të qeverisë u ndërtuan 1.6 kilometra për 3 vite
26 Dhjetor, 11:25 -
Pjesëtari i forcave serbe dënohet me 15 vjet burg në mungesë për krime lufte në Kosovë! Çedomir Aksiq akuzohet për vrasjen e 8 shqiptarëve në Reçak
26 Dhjetor, 11:20 -
Realizohet me sukses teleportimi i parë kuantik, na afron më shumë me të ardhmen!
25 Dhjetor, 21:44 -
Vuçiç: Sa të jem unë president, nuk do ta njoh kurrë Kosovën
25 Dhjetor, 21:43 -
Kamberi: Nëse protestat 'shuhen', Vuçiç do e çojë Serbinë në diktaturë
25 Dhjetor, 20:46 -
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Analiza e VOA: Demokracia në provë në Evropën Lindore mes akuzave për ndërhyrje nga Rusia
25 Dhjetor, 19:34 -
Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë
25 Dhjetor, 19:23
Osmani Kurti Pislimi dhe ca pisa te tjere po fundosin Kosoven, opozita duhet te ngrihet se kjo eshte nje qeveri e ndyre qe po i largon nga Amerika dhe BE.
PërgjigjuU mbars mali dhe polli nje mi. Ia beri topin Kosoves kjo dyshe udheheqesish me kokefortesine dhe delirin e tyre. Asgje nuk fitoi Kosova nga kjo marreveshje, thjesht perkeqesoi pozitat e veta karshi Serbise si element destruktiv, ndersa serbet si paqedashes. Perkeqesoi marredheniet me SHBA dhe BE dhe sot Kosova eshte me e izoluar se kurre. Ta kishte pranuar 1 muaj me pare qe kur i tha Escobar per ta shtyre punen e targave me 10 muaj do kishte dal me faqebardhe dhe do i kishte institucionet ne funksion ne veri te Kosoves. Le qe targat s'i hoqi, por Kosova do e paguaj akoma me shtrenjte per t'u kthyer ne normalitet. Vjosa Osmani do bente mire te heshtte si punedhenesi i saj se sa te lepinte peshtymen qe kane nje muaj qe po e gjuajne ku te mundin.
Përgjigju