ANGLI - Java e 7-të e Premier League ka sjellë emocione dhe rezultate të rëndësishme për skuadrat e kreut. Arsenali ka arritur një tjetër fitore të vlefshme, duke mposhtur West Hamin 2-0 në derbin londinez të zhvilluar në “Emirates Stadium”.

Golat për “Topçinjtë” u shënuan nga mesfushori Declan Rice, që gjeti rrjetën ndaj ish-skuadrës së tij dhe Bukayo Saka nga pika e bardhë e penalltisë. Me këtë triumf, skuadra e drejtuar nga Mikel Arteta regjistron fitoren e dytë radhazi dhe ngjitet në kuotën e 16 pikëve, duke ushtruar presion mbi Liverpoolin e Arne Slot në garën për kreun e tabelës.

Nga ana tjetër, West Ham mbetet me vetëm 4 pikë pas shtatë javësh, duke vazhduar serinë negative të rezultateve.

Në ndeshjet e tjera të ditës, Manchester United mposhti Sunderlandin me rezultatin 2-0, falë golave të Mason Mount dhe Benjamin Sesko. Po ashtu, Tottenham Hotspur arriti një fitore të rëndësishme 1-2 në transfertë ndaj Leeds United, me golat e Mathys Tel (23’) dhe Mohammed Kudus (57’) që përmbysën barazimin e përkohshëm të Okafor (34’).

Premier League, raundi 7:

E shtunë, 4 tetor 2025

Leeds 1-2 Tottenham

Arsenal 2-0 West Ham

Manchester United 2-0 Sunderland

Renditja:

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 7 Janar, 22:17

    Si e menaxhoi qeveria situatën e përmbytjeve?

Lajme të tjera