Art edhe në fshat,Teatri i Kukullave
të Lezhës shfaqje në zona të thella

Teatri i Kukullave në Lezhë i rikthyer pas 30 vjetësh mungesë ka nisur aktivitetet edhe jashtë qytetit.
 
I ngritur pak muaj më parë, ky institucion ka dhënë shfaqje në fshatrat e Ungrejit dhe Kalivaçit të Bashkisë Lezhë.
 
Dalja me ture jashtë rrethit ka nisur me premierën “Xixëllonjat”.

Drejtori i shkollës së bashkuar në Ungrej Lek Luku thotë se shfaqjet do të vijojnë pavarësisht se mungojnë ambientet e përshtatshme.

“Është një moment që edhe shkolla si pjesë e procesit mësimor edukativ ne ta shfrytëzojmë këtë kohë. Falenderojmë Qendrën Kulturore të fëmijëve për këtë shfaqje”, u shpreh Luku.
 
Drejtoresha e shkollës në Kalivaç, Drita Gjoni ka shprehur mirënjohjen e saj ndaj organizatorëve.
 
Drejtori i arsimit Ardian Laçi, është i bindur se interesi i fëmijëve për te ndjekur të tilla shfaqje është i larte edhe ne zonat rurale. 
 
Teatri i Kukullave në Lezhë iu rikthye këtij qyteti në fillim te muajit dhjetor me sipërmarrjen dhe kontributin e ish-aktorëve te Lezhës që sot janë në pension.

Redaksia Online
Al.N/Shqiptarja.com