POP 5

Lajmet më të lexuara të 5 minutave të fundit

Kronikë

Artan Hoxha: Ibrahim Lici ka ikur nga Shqipëria! Lufta që mund të shpërthejë në burgje mes dy fiseve

Gazetari investigativ Artan Hoxha, tha se Ibrahim Lici, 26 vjeç, që dyshohet të jetë ekzekutori i vëllezërve Bilali më 30 mars në Shkodër, është arratisur nga Shqipëria. Në një koment në studion e Report Tv, gazetari Hoxha tha se Lici ka dalë jashtë vendit.

Gazetari investigativ Artan Hoxha, tha se Ibrahim Lici, 26 vjeç, që dyshohet të jetë ekzekutori i vëllezërve Bilali më 30 mars në Shkodër, është arratisur nga Shqipëria. Në një koment në studion e Report Tv, gazetari Hoxha tha se Lici ka dalë jashtë vendit. Ai tha se shumë shpejt pritet të zbardhen edhe një sërë vrasjesh në kryeqendrën e veriut, që kanë sjellë krimet në seri mes fiseve Lici dhe Bajri në Shkodër.

Gazetari tha se Ibrahim Lici është vëllai i Muhamed Licit, i arrestuar dhe i dënuar pas operacionit të RENEA-s më 5 mars 2017 në zonën e Shirokës për gjobëvënie. Në këtë aksion u shoqërua edhe Ibrahimi - tha Hoxha.

"Grupi mbante në kontroll dy nga tregjet në Shkodër. Të gjithë tregtarët e tregjeve paguanin një tarifë mujore ndaj këtij grupi, një tarifë deri diku e përballueshme. Kur u godit grupi tregtarët kërkuan të liroheshin se me polici private nuk ishin të sigurt, dhe do u kushtonte më shumë", u shpreh gazetari investigativ.

Muhamed Lici u dënua me 13 vjet burg, përfitoi gjykim të shkurtuar, kujtoi gazetari Hoxha, teksa tha një detaj të fortë. "Ai mbahet nën masa të rrepta sigurie, që të parandalohet mundësia e goditjes së tij gjatë kohës që është në burg. Sepse në burgjet shqiptare ndodhen anëtarë të të dyja grupeve rivale", u shpreh gazetari.

Ai shtoi më tej se personi që ka qëlluar ndaj vëllezërve Bilali, dyshohet të jetë Ibrahim Lici, ndërsa dy të arrestuarit e tjetër, dyshohet të kenë qenë me të.

Rreth 1 muaj nga vrasja e dyfishtë e vëllezërve Bilali në qytetin e Shkodrës, Policia arrestoi dy nga autorët që dyshohet se kanë marrë pjesë në ekzekutimin në derën e shtëpisë të Astrit dhe Brahim Bilalit, 59 dhe 61 vjeç, ngjarje e ndodhur më 30 mars 2019.

Astrit Bilali është babai i Astmer Bilali, i arrestuar si pjesë e grupit "Bajri" në Shkodër, ndërkohë që grupi kundërshtar i tyre janë Licajt. Dyshohet që pikërisht lufta mes këtyre bandave të këtë sjellë viktimat e radhës në këtë përplasje.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Taip: 27/04/2019 11:59

    sa keq

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

25 Dhjetor, 18:54