POP 5

Lajmet më të lexuara të 5 minutave të fundit

Kronikë

Artan Hoxha zbulon si do funksionojë njësia speciale që do t'u tregojë 'dhëmbët' të fortëve

Gazetari investigativ Artan Hoxha, i ftuar në studion e "45 minuta" në Report Tv ka zbërthyer të gjithë skemën se si do të funksionojë kjo njësi speciale, në varësi të cilit institucion do të jetë dhe cila do të jetë përbërja e saj.

TIRANË-Kryeministri Edi Rama ka paralajmëruar në konferencën e ditës së sotme se është gati njësia speciale për të luftuar të 'fortët' e rrugëve.

Gazetari investigativ Artan Hoxha, i ftuar në studion e "45 minuta" në Report Tv ka zbërthyer të gjithë skemën se si do të funksionojë kjo njësi speciale, në varësi të cilit institucion do të jetë dhe cila do të jetë përbërja e saj. Përballë gazetarit Denis Minga, Hoxha është shprehur se kjo njësi speciale, e cila ende nuk është "pagëzuar" me një emër specifik, do të ketë në përbërje të saj forca komando nga Ushtria, të cilët do të jenë pjesë të operacioneve ku të përfshirë do të jenë emra me rrezikshmëri të lartë në botën e Krimit. Hoxha është shprehur se këto 30-40 forca komando janë trajnuar në Akademinë e Policisë së Shtetit, duke kompletuar formimit e tyre ushtarak dhe atë policor. 

"U zgjodh një trup prej 50 efektivësh nga forcat komado të Ushtrisë të cilët u mungon formimi policor janë dërguar në Akademinë e Policisë së Shtetit, ata po e përfundojnë trajnimin për mënyrën se si vepron policia, si duhet të veprojnë në operacione. Në fillim janë trajnuar si komando për të luftuar terroristët në fron dhe tani edhe për ato policore. Një nga RENEA është trajnuar për forcat urbane, ai duhet të mbrojë edhe jetën e kriminelit, ndërsa për një komando armiku është i pamëshirshëm. Tani janë 34-40 komando. Kjo njësi do të jetë e varur nga Drejtori i Policisë së Shtetit, por do jetë autonome. Objektivi kryesor do të jenë arrestimet e shumë të kërkuar që janë problematik dhe goditjen e elementëve të grupeve kriminale me rrezikshmëri shumë të lartë. Kjo njësi do kap ata që Rama i quajti "të fortët e rrugëve". Informacioni kësaj njësi do t'i vijë nga policia kriminale, ata thjesht do e ekzekutojnë", u shpreh Hoxha.

Artan Hoxha ka deklaruar gjithashtu, se këto komando janë më të predispozuar për të përdorur armët, ndryshe nga RENEA e aq më tepër një polic i thjeshtë.

"Trajnimi i tyre si ushtarak i bën që të jenë më të predispozuar që vendimi që ata marrin të prevalojë nga përdorimi i armëve. Një polic nuk e tërheq këmbëzën e armës kollaj. Edhe snajperi i RENEAS mendohej shumë thellë, kur s'kishte zgjidhje tjetër. Në rastin konkret, kjo trup përbëhet nga komando që kanë qenë në misione paqeruajtëse, komando që kanë qenë në Afganistan, Sudan, Irak që vijnë nga fronti i luftës, kanë qenë në betëjë me armik të rrezikshëm, ata janë marrë nga komando dhe do jenë si efektivë policie", tha Hoxha në Report Tv.

Hoxha zbuloi se kjo njësi do të fillojë zbatimin shumë shpejt, pasi është bërë gati kuadri ligjor dhe insfrastruktura.

"Ka pasur një VKM që ka lëvruar buxhetin, që ka rregulluar hapësirën ligjore si do funksionojë, Policia ka një kabinet që merret me këtë punë, ka studiuar dhe ka bërë gati të gjithë infrastrukturën si ligjore dhe me llojet e armatimit, mjeteve, që nga mënyra sesi do të prezantohet, por edhe nuk është bërë e ditur emri apo forma se si do të operojë apo do të sillet", përfundoi Hoxha.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kafsha: 31/07/2019 11:32

    Më në fund... Mutërisë i erdhi fundi!

    Përgjigju
  • Lui: 31/07/2019 08:51

    Kam degjuar dikur per “skuadra egzekutimi”. Te cilat egzekutonin kriminelet ne fshehtesi, dhe policia del e thote qe dyshojme per larje hesapesh. Sikur te funksionoje ne kete menyre, do ishte fantastike, sepse do pastrohej nje here e mire shoqeria nga plehrat qe nuk na lene te jetojme ne qetesi. Shpresoj shume te jete e njejta gje me “skuadren e egzekutimit” edhe kjo njesia speciale..

    Përgjigju
  • Geke: 31/07/2019 08:47

    Po po na mbushe mendjen... prape te fortet do jene te forte dhe njerzit e thjeshte do jene akoma me te thjeshte perpara kesaj force..... mos harroni i forti ka arme me te forte qe ka per ti turbulluar fare keta komandot e kthyer ne police... ka lekun si arme....

    Përgjigju
  • Lakja: 30/07/2019 23:55

    Beni nje xhiro ne Kucove se ngelen bandat duke u gjuajtur me arme cdo nate...cudi qe nuk japin asgje neper media dhe i mbajne ngjarjet te fshehta...policia del vetem kontrolle per gjobat, bashkia nuk ekziston.

    Përgjigju
  • robi: 30/07/2019 22:28

    Po në Durrës tek Vollga i forti i lagjes ka mposhtur shtetin dhe ka bërë parkim të paligjshëm mbi rere në buzë të detit duke shqetësuar qytetarët që shëtisin në darkë dhe duke habitur turistët. Aty duhej të ishin çadrat e qytetarëve për plazh por është bërë parkim. Policia bën sehir. Bashkia ka vdekur.

    Përgjigju
  • Lame: 30/07/2019 19:07

    . Me te predispozuar thote . Ka ligje o plak , detyra eshte policore, si e tille sipas rregullave policore e jo si ne Kabul, bjeri ti bim. Ok bej llogje propogande po mos e tepro. E krahason me RENEA,

    Përgjigju
    • Mari: 31/07/2019 04:39

      Tu bien se boll uvkan ren dhe ata njerve te pafajshem

  • Arbëri: 30/07/2019 18:47

    Shqipëria që duam, po bëhet dhe ju dëshirojë vetem suksese në vazhdim ...!!!

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Ata ishin 2 autorë!' Policia do të rimarrë në pyetje babain e shokut të Martinit: I dyti ka pasur thikë më të vogël

'Ata ishin 2 autorë!' Policia do të rimarrë në pyetje babain e shokut të Martinit: I dyti ka pasur thikë më të vogël

24 Nëntor, 12:44