PORTUGALI - Në Lisbonë u zhvillua Kampionati Evropian për kategorinë U-18 të arteve marciale, ndër të tjera edhe në disiplinën 'Jiu-Jitsu Brasilian'. Gjimnazisti shqiptar, Dardan Spahia, i cili garonte për moshat nën 18-vjeç ia doli të kthehej në atdhe me medaljen e artë.

Spahia është një kampion i arteve marciale dhe veç studimeve në gjimnazin 'Petro Nini Luarasi' në kryeqytet, ndjek këtë pasion të veçantë. Lajmin e ndau kryeministri Edi Rama.

"Një tjetër medalje ari vjen në Shqipëri nga nxënësit tanë

Dardan Spahia nga gjimnazi "Petro Nini Luarasi", një kampion i arteve marciale, u kthye nga Lisbona me medaljen e artë në Kampionatin Europian të "Jiu-Jitsu Brasilian" duke garuar mes sportistëve të Europës në kategorinë U18  

Krenarë për nxënës si Dardani, forca e shembullit që kur talenti, pasioni dhe disiplina ecin së bashku, ka vetëm fitues", shkruan kryeministri Rama në kanalet e komunikimit.

Çfarë është 'Jiu-Jitsu Brasilian'

'Jiu-Jitsu Brasilian', shpesh i shkurtuar si BJJ, është një sistem vetëmbrojtës, art marcial dhe sport luftimi i bazuar në kapjes, luftimin në tokë dhe mbajtje me nënshtrim. Është kryesisht një stil luftimi në tokë dhe përfshin rrëzimin e kundërshtarit në tokë, fitimin e një pozicioni dominues dhe më pas përdorimin e një numri teknikash për ta detyruar atë të nënshtrohet, të tilla si mbylljet e kyçeve, kapjet në qafë ose mbylljet me kompresion.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 14 Mars, 23:51

    18 vite nga Gërdeci, a besoni se do ndëshkohen përgjegjësit e vërtetë?

Lajme të tjera