Trashëgimia kulturore dhe folklorike e trevës së Kurbinit u prezantua në Lezhë përmes një koncerti të ansamblit popullor të kësaj zone. Të veshur me kostume tradicionale, nën tingujt e muzikës dhe valleve, artistët kurbinas u ngjitën në skenën e Pallatit të Kulturës, duke i dhuruar publikut një mbrëmje të veçantë.

Si një zonë me vlera të jashtëzakonshme kulturore dhe historike, artistët e Ansamblit "GURRA E KURBINIT" thonë se qëllimi i tyre është të mbajnë gjallë traditën dhe ta përcjellin atë tek brezi i ri.

“Qëlllimi ishte të përcillnim vlerat e folklorit shqiptar, veçanërisht atë të Kurbinit që është aq i pasur. Publiku ishte i ngrohtë dhe plot entuziazëm”, tha Altin Toma, instrumentist.

 “Ne paraqitëm folklorin e Kurbinit as më pak e as më shumë”, tha Lad Cara, drejtuesi i Ansamblit.

Koncerti i ansamblit "GURRA E KURBINIT" në Lezhë zgjati rreth 90 minuta, duke përcjellë emocione për publikun, të cilët kishin mbushur sallën e Pallatit të Kulturës "Ded Ndue Lazri".