... Në luftë kundër koronavirus jemi të gjithë! Në frontin e parë janë mjekët, policët, gazetarët, por edhe të tjerë që çdo ditë i duhen të përballen me punën e vështirë, të kthyer tashmë në mision. Por edhe artistët me mesazhet e tyre. Edhe sot ata na japin mesazhe optimiste për jetën brenda shtëpisë.
Iva Tico, Ermal Mamaqi, Jul Deda etj na tregojnë cfarë po ndodh brenda shtëpive të tyre
"Do të jesh cool, rri në shtëpi", kjo është një frazë nga Mariza Ikonomi, e cila thirrjen për të sensibilizuar njerëzit që të qëndrojnë të vetë karantinuar, ka vendosur ta bëjë nëpërmjet kitarës dhe muzikës.
"Rri në shtëpi, do të jetë kënga ime e re" thotë Mariza në një postim në rrjetet sociale.
Ikonomi është një nga artistet e shumta që kanë marrë përsipër që të bëjnë thirrje nëpërmjet artit që izolimi është mënyra e vetme që këto ditë të vështira të marrin fund sa më shpejt.
Ashtu si të gjithë artistët e tjerë, edhe Flori Mumajesi, tashmë i vetë karantinuar, publikon video të ndryshme nga shtëpia e tij.
Paraditen e sotme Flori e ka kaluar nën shoqërinë e Report Tv, duke ndjekur raportimin live të gazetarit Arsen Rusta lidhur me mbipopullimin e rrugëve, specifikisht te '21 dhjetori', dhe ngritur njëkohësisht shqetësimin se njerëzit nuk po 'tregohen të bindur', duke thyer rregullat e karantinimit.
"Një xhiro për qejf sot do na kushtojë shumë nesër" apelon këngëtari.
Poetja Rita Petro përmes një video-mesazhi nga shtëpia në këtë kaos të shkaktuar nga virusi corona bën apel, që ky moment të shërbejë për të pasur më shumë në vëmendje familjen, por edhe të shkruajmë e lexojmë
Sopranoja e njohur shqiptare Blerta Zhegu nga shtëpia në Paris kësaj here vjen ndryshe, ajo përmes një kitare këndon ëmbël këngën arbëreshe “Lulëza ime”, në këtë periudhë vetizolimi ndaj corona virus.
Aktorja Zamira Kita këto ditë gjendet e vetizoluar në shtëpinë e saj në Korçë për shkak të COVID-19. Ajo sugjeron që përmes gatimeve, muzikës dhe filmave, këto ditë pranë familjes mund të kalohen shumë bukur
Aktorja Suela Konjari ka gjetur këtë periudhë një mënyrë krejt të veçantë për të kaluar kohën e vetizolimit për shkak të virusit corona. Ajo na sjell momente teksa po lyen shtëpinë me gëlqere
Duket se Xhesila Polo e ka marrë me sportivitet situatën e krijuar nga koronavirus në Shqipëri e në botë. Vetëkarantinimin ajo po e përdor si një periudhë frytdhënëse, duke marrë anën pozitive të qëndrimit në shtëpi. Në një video- selfie për ndjekësit e emisionit "Rreze Dielli" në Report Tv, ajo thotë se gjatë këtyre ditëve ka komunikuar shumë në telefon me njerëzit e afërt, ka krijuar dy këngë të reja, si dhe ka marrë vitaminë C, nëpërmjet.... kekut me portokall.
Nëpërmjet një video-mesazhi drejtuar të gjithë ndjekësve të emisionit "Rreze Dielli", Iva Tiço e ka marrë shumë seriozisht dhe po ndjek të gjitha rregullat që 'luftojnë' Covid-19. Gazetarja e njohur thotë se prej së hënës së kaluar është izoluar në shtëpi duke kufizuar lëvizjet në qytet. Megjithatë edhe nëse i duhet të lëvizë, ajo nuk harron të dezinfektojë gjithçka pasi të kthehet. Iva thotë se nuk duhet ta marrim si 'sakrificë' qëndrimin në shtëpi, pasi në këto kohë kjo është diçka e domosdoshme. Thjesht, ashtu si Iva gëzojuni edhe ju diellit nga ballkoni i shtëpisë duke shpresuar për ditë më të mira.
Kur përmendet emri i Irgen Çelës menjëherë mendja na shkon te batutat e pafundme të tij që na shkrijnë së qeshuri, por sot duket se është ndryshe ... Në ditë të tilla, fjalët e dala nga zemra marrin kuptim tjetër. Covid-19 ka depërtuar kudo, e në mos si sëmundje trupi, është kthyer në arsyen pse të gjithë kemi filluar ta shohim ndryshe jetën, edhe brenda 4 mureve të shtëpisë. Me anë të një video mesazhi edhe Irgen Çela ka treguar si po kalon ditët e tij në izolim. Djali dhe familja po marrin kohën e tij më të madhe. Ai thotë se edhe pasi e gjitha kjo të mbarojë, do të praktikojë 'vetëkarantinimin' përsëri pasi tashmë ka kuptuar sesa kohë ka humbur larg familjes.
Futboll brenda në shtëpi, por topi tashmë është zëvendësuar me letër higjienike. Kjo po ndodh brenda shtëpisë së aktorit të humorit Jul Deda, i cili ashtu si shumë artistë të tjerë është mjaft aktiv keto ditë në rrjetet sociale, me mesazhe sensibilizuese ndaj qytetarëve, por edhe duke bërë atë që di të bejë më mirë: Të bëjë njerëzit të qeshin, për të harruar sadopak këto ditë të zymta.
Ai ka publikuar një video ku djali i tij Mario po luan futboll, tashmë me letër higjienike.
Ashtu si shumë prej nesh, edhe për VIP-at shqiptarë, koronavirus ka ndryshuar stilin e tyre të jetës. Njerëz që rrallë kishin kohë të qëndronin në shtëpi, për shkak të angazhimeve në punë, duket se virusit që po merr jetë njerëzish, po përpiqen t'i qëndrojnë larg, duke i marrë situatës së krijuar anën pozitive. Edhe Ermal Mamaqi ka postuar një video ku shfaqet duke luajtur me djalin e tij dhe thotë se këtë kohë e ka shijuar shumë.
"Miq mos më gjykoni, por unë e kam shijuar shumë këtë kohë. Mendoj që ka shumë si unë. Po rri me fëmijët dhe mendoj gjithë kohës sa shumë kohë kam humbur larg tyre. Kjo që ndodhi duket si një sinjal nga planeti" është një pjesë nga komenti me të cilin Mamaqi ka shoqëruar videon. Ai thotë se këto ditë ka patur kohë për të bërë shumë gjëra, nga shikimi i serialeve, te leximi për marketing e aerobia.
Komente
Lajme të tjera
-
Për 2023 sëmundshmëria kronike u rrit 5,9%, shkak plakja e popullsisë dhe pasojat e Covid
23 Janar, 07:37 -
Shtrimet në spitale gjatë 2022 u shtuan me 8% pas pandemisë! Zemra dhe shëndeti mendor problemet kryesore
4 Maj 2023, 20:19
-
COVID-19/ Dollenberg: Europa në gjendje stabël, Shqipëria të vendosë testin për udhëtarët nga Kina
5 Janar 2023, 20:32 -
Asnjë humbje jetë nga COVID në vend, regjistrohen 13 qytetarë të infektuar në 24 orë
12 Nëntor 2022, 17:25 -
Asnjë humbje jete nga COVID në vend, regjistrohen 28 qytetarë të infektuar në 24 orë
19 Tetor 2022, 18:05 -
Asnjë humbje jete dhe 19 qytetarë të infektuar me koronavirus! Situata Covid-19 në vend në 24 orët e fundit
14 Tetor 2022, 16:29 -
Regjistrohen 29 qytetarë të infektuar me COVID në vend, asnjë humbje jete në 24 orë
8 Tetor 2022, 18:25 -
Regjistrohen 48 qytetarë të infektuar me COVID-19 në vend, asnjë viktimë në 24 orë
30 Shtator 2022, 17:39 -
Asnjë viktimë nga koronavirusi në vend, regjistrohen 63 qytetarë të infektuar në 24 orë
28 Shtator 2022, 17:31 -
45 raste të reja me COVID-19 në 24 orët e fundit! Asnjë viktimë dhe 97 të shëruar
24 Shtator 2022, 16:39 -
51 raste të reja me COVID-19 në 24 orët e fundit, 75 të shëruar dhe asnjë viktimë
22 Shtator 2022, 18:25 -
Situata e COVID/ 81 raste të reja në 24 orët e fundit! 1 viktimë dhe 115 të shëruar
17 Shtator 2022, 18:43
Dakort me aktoret dhe figurat publike se zoti u ka dhene mundesine te veprojne dhe te jetojne ne karantine si u do qejfi por mund te me thoni si do ja bej dikush dhe keta dikush jane shume ne numer,qe u kerkohet qeraja e shtepise,qe ne shtepi nuk kane artikujt me elementare per te mbijetuar,higjenizuar pale per te lyer qe e bejne per te kaluar kohen, ju lutem me sensibel sepse e dime qe juve ju do zoti fort dhe ketu ben dallim
PërgjigjuJa sa ta mbarojne edhe mallin dhe do fillojne te shkallojne. Sepse edhe shperndaresit do karantinohen nga java tjeter. Ta shikojme pas nje muaji