Regjisori Kristaq Dhamo, është shtruar në spital. Siç bëhet me dije gjendja e tij është e rënduar dhe nuk mund të flasë as të lëvizë, ndërsa shpresohet në një përmirësim të mundshëm. Në një komunikim 'via-email' familja e tij shpjegon situatën shëndetësore e një prej ‘baballarëve’ të kinematografisë shqiptare.
Në e-mailin e familjes (10 korrik pasdite) shkruhet si më poshtë:
“Dje edhe pse nuk ndihej mirë Kristaqi po mendonte për të shkruar një letër të shkurtër falënderimi për të gjithë kolegët dhe bashkëpunëtorët e jashtëm në krijimin e një prodhimtareje te vërtetë kinematografie kombëtare. Ndërkohë kishte edhe një mendim se ku mund të shfaqej filmi Tana i restauruar. Sipas tij ai duhej te shfaqej ne Korçë, sepse ishte qyteti, fshati dhe teatri i tij që dhanë ndihmën më të madhe në realizimin faktik të filmit.
Por këtë e linte në dorën tuaj, duke çmuar shumë punën tuaj në Film Arkiv. Papritur, sot herët e shtruan në spital (10 korrik). Nuk është në gjendje të flasë, për të lëvizur jo se jo. Konsulta mjekësore që u zhvillua nga ora 15.00 thuhej me bindje se brenda javës e folura do t’i kthehet normalisht, ndërsa të ecurit më me ngadalë. Ju urojmë suksese ne organizimin e festave te filmit. Familja e Kristaqit” shkruhet në komunikimin via-email.
Kineasti vitet e fundit e ka ndarë jetën mes Shqipërisë dhe Amerikës, dhe ka shfaqur komplikacione shëndetësore.
Së fundmi është restauruar filmi i parë artistik shqiptar “Tana”, që mban autorësinë e tij.
"Tana", filmi i parë artistik shqiptar
Lajme të tjera
-
Filmi ‘Tana’ i restauruar shfaqet premierë në Korçë! Ndria: I dedikohet regjisorit Kristaq Dhamo
19 Nëntor 2022, 16:37
-
2 muaj pas vdekjes së regjisorit Kristaq Dhamo, prezantohet filmi i parë shqiptar 'Tana' në Festivalin Ndërkombëtar 'Lumiere'
18 Tetor 2022, 23:56 -
Ndarja nga jeta e kineastit Kristaq Dhamo, Shanaj: Lamtumira e heshtur! Iku njeriu që i dha dritë dijesh të munguar krejtësisht Shqipërisë së paditur
20 Gusht 2022, 17:00 -
'Filmit s’i vjen tjetër si ai', lamtumirë Dhamos, pionerit të kinemasë shqiptare! Xhepa, Anagnosti e Mitro rrëfejnë regjisorin e parë: Kishte brenga
19 Gusht 2022, 16:10
-
Ndarja nga jeta e ‘babait’ të filmit të parë, mbahen homazhe në hollin e Universitetit të Arteve për Kristaq Dhamon
19 Gusht 2022, 11:13 -
Lamtumirë kineastit Dhamo, shuhet ‘babai’ i filmit të parë! Nga meraku i tij për ‘Tanën’ e restauruar, te mesazhi për të mos u vënë kryq filmave shqiptarë
14 Gusht 2022, 15:15
