Dy vajzat, të afërm, miq e kolegë, përcjellin sot regjisorin, një prej pionerëve të kinematografisë shqiptare, Kristaq Dhamon. Homazhet i mbahen në hollin e Universitetit të Arteve. U shua në një spital të Ankonës në Itali, në kujdesin e familjarëve, e siç rrëfejnë miqtë pranë bashkëshortes studiueses Dhorka Dhamo.
Regjisor i filmit të parë artistik me metrazh të gjatë shqiptar“Tana” të realizuar 64 vite më parë me protagoniste Tinka Kurtin, Dhamo firmosi një sërë produksionesh të tjera të suksesshme, si “Vendimi” , “Mëngjeze lufte” etj
Homazhet do të zgjasin nga ora 11:00 në orën 12:00 e më pas Dhamo do të përcillet për në banesën e fundit në Sharrë. Të pranishëm në homazhe ishin personalitete të kinematografisë e botës e kulturës e artit në vend. Regjisori Kristaq Mitro e konsideroi si një shkollë për brezat që u rritën në ish Kinostudio, dhe se edhe përtej punës ai ishte një njeri i urtë. Ndërsa kineasti Piro Milkani foli për atmosferën e ngrohtë që krijohej kur punohej me Dhamon. Me humbjen e Dhamos u shprehën kolegët e tij, filmi shqiptar humbi një nga pionerët dhe njerëzit më të ditur që punuan në ish Kinostudio.
Dhamo u nda nga jeta në moshën 89-vjeçare pas komplikacioneve shëndetësoret të sëmundjes, regjisori u shua në Itali.
Lajme të tjera
-
Filmi ‘Tana’ i restauruar shfaqet premierë në Korçë! Ndria: I dedikohet regjisorit Kristaq Dhamo
19 Nëntor 2022, 16:37
-
2 muaj pas vdekjes së regjisorit Kristaq Dhamo, prezantohet filmi i parë shqiptar 'Tana' në Festivalin Ndërkombëtar 'Lumiere'
18 Tetor 2022, 23:56 -
Ndarja nga jeta e kineastit Kristaq Dhamo, Shanaj: Lamtumira e heshtur! Iku njeriu që i dha dritë dijesh të munguar krejtësisht Shqipërisë së paditur
20 Gusht 2022, 17:00 -
'Filmit s’i vjen tjetër si ai', lamtumirë Dhamos, pionerit të kinemasë shqiptare! Xhepa, Anagnosti e Mitro rrëfejnë regjisorin e parë: Kishte brenga
19 Gusht 2022, 16:10
-
Lamtumirë kineastit Dhamo, shuhet ‘babai’ i filmit të parë! Nga meraku i tij për ‘Tanën’ e restauruar, te mesazhi për të mos u vënë kryq filmave shqiptarë
14 Gusht 2022, 15:15
-
'As flet, as lëviz', regjisori Kristaq Dhamo në gjendje të rënduar shëndetësore, familja: Kërkoi që ‘Tana’ i restauruar të shfaqej në Korçë
11 Korrik 2022, 16:30
