Bashkia e Tiranës vijon asfaltimin e rrugëve, por edhe të gjitha rrugicave ku, deri më tani, nuk ishte ndërhyrë. Kryetari i Bashkisë së Tiranës, Erion Veliaj, i cili gjatë mbrëmjes inspektoi punimet në kantierin e hapur në Rr. “Mihal Grameno” në kryeqytet, u shpreh se mandati i tretë do të jetë pikërisht përfundimi i çdo rrugice në çdo cep të Tiranës.
“Nëse mandati i parë ishte mandati i bulevardeve dhe i shesheve, kurse mandati i dytë ishte i rrugëve dhe akseve kryesore, mandati i tretë do të jetë mandati i rrugicave. Është tamam si ‘Rrugicat që kërkonin diell’, por në këtë rast, rrugicat kërkojnë asfalt dhe ndriçim led. Diell na ka dhënë Perëndia me shumicë, kurse ne, me besimin që na ka dhënë qyteti i Tiranës, duhet të punojmë cep e më cep. Puna do të vijojë gjithë Gushtin. Në momentin që, nga qendra e Tiranës deri në periferi, ti ke të njëjtin cilësi asfalti, këmba nuk të prek në baltë dhe në pluhur dhe ke të njëjtin ndriçim, do të thotë se ia kemi arritur që qytetin ta trajtojmë me të njëjtin respekt dhe dinjitet, si në qendër edhe në periferi,” u shpreh Veliaj.
Kreu i Bashkisë tha se këtë verë, në Tiranë, janë hapur edhe disa kantiere të tjera të rëndësishme.
“Disa kantiere janë në qendër, si Rr. “Xhorxh Bush”, rruga që shkon drejt Pazarit të Ri, lidhja e Sheshit “Skënderbej” me Pazarin e Ri, e gjitha për kualifikim; sapo kemi hapur një kantier shumë të madh te Teatri Kombëtar, ku do të jemi tamam si një operacion me bisturi, sepse është në mes të një Tirane plot me turistë; kemi ndërtimet te “5 Maji” dhe në Kombinat, apo edhe kantieret e Tiranës policentrike, siç është zona e Kinostudios; të gjitha këto janë kantieret më të mëdha të kësaj vere, përveç shkollave, kopshteve e çerdheve, që janë puna jonë rutinë e gushtit. Do të shfrytëzojmë kohën kur njerëzit janë me pushime për të bërë të gjitha punët e qytetit, që kur qytetarët të kthehen, të gjejnë surpriza të këndshme, si kjo rrugicë dhe dhjetëra rrugica të Tiranës,” deklaroi Veliaj.
Ai tha gjithashtu se Gushti, për bashkinë është muaji ku punohet edhe më shumë.
“Shumë njerëz mendojnë se gushti është koha e pushimit, në fakt është krejt e kundërta për Bashkinë e Tiranës. Kur njerëzit janë me pushime për ne është momenti ideal që të hapim të gjitha rrugët për infrastrukturë. Mirënjohje qytetarëve dhe një falënderim për të gjithë ata që qëllojnë që janë këtu gjatë Gushtit, për të na mirëkuptuar teksa jemi lëshuar me gjithë mjetet e rënda cep më cep. Besoj se është një sakrificë e vogël që ia vlen. Kur shumica të kthehen nga pushimet, do të gjejnë jo vetëm shkollat e reja, kopshtet dhe çerdhet e dezinfektuara, gati për vitin e ri shkollor, por edhe një Tiranë më urbane. Kush mendoi se ky ishte asfalt elektoral, duhet të shikojë që, gjithë Korrikun dhe Gushtin, puna vlon, asfalti vlon, pavarësisht temperaturave, për të shfrytëzuar çdo moment të pushimeve, që Tirana të rikthehet në shtator me energji të reja, po edhe me një infrastrukturë të re dhe moderne,” u shpreh Veliaj.
Komente
Lajme të tjera
-
Rikthehet 'Parada Shqiptare' më 28 Nëntor në Tiranë! 300 grupe artistike nga Diaspora do të mblidhen në kryeqytetin shqiptar
23 Nëntor, 15:48 -
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Tiranë/ Policia po zhvillon operacion kundër lojërave të fatit, kapen disa persona
22 Nëntor, 21:19 -
Vrasja e Martinit/ Gjendet pranë Gjykatës së Apelit thika, me të cilën u kry krimi! Bashkë me të edhe çanta e shkollës e 14 vjeçarit të arrestuar si autor
22 Nëntor, 21:09 -
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30 -
Gruas i duhet të pastrojë vetë pusetën për të shpëtuar nga përmbytja! Shikoni videon tek 'Myslym Shyri' në Tiranë (VIDEO)
22 Nëntor, 18:23 -
Tiranë/ Plagosja e 20-vjeçarit në 'Qytetin Studenti', arrestohet 19-vjeçari nga Kamza! Nën hetim edhe personi që i shiti thikën
22 Nëntor, 15:46 -
Vrasja e Klaudio Prendit/ Ishte në kafe me 3 policë, njëri ndoqi mjetin e autorëve pas ekzekutimit! Vrasësit me 'Audi A4' vëzhguan zonën para krimit
22 Nëntor, 10:47
Po prishe ndonjë mur abuziv të babëzisë së tokës së xanun??!!!..nuk ka trotuare e kalldrëm për këmbësorët e fëmijët Tirana..o Demagogia Populiste!!..njësoj si te rruga Frosina Plaku...e Kongresi i Lushnjës,thjesht Asfalt elektoral .pa trotuare e pa' ndriçim?!!
PërgjigjuFutja kot.Ka 14 vjet qe rruga mbrapa minibashkise nr 2,afer ish tregut elektrik,eshte tip Kandahari,Lali se rru fare.Eshte katastrofe,500m nga qendra.
Përgjigju