Shumëkush mund ta ketë hasur shkrimtarin ikonik gjerman, Erich Maria Remarque duke i veçauar gjithnjë stilin e veçantë të të shkruarit, aq simbolist por edhe realist.

Drama “Asgjë të Re nga Fronti i Perëndimit”, e mbështetur në romanin e famshëm me të njëjtin emër të shkrimtarit gjerman, Erich Maria Remarque, në shumë pak kohë ka marrë 14 nominime për Çmimet e Akademisë Britanike të Filmit dhe Televizionit – BAFTA.

Në mesin e çmimeve për të cilat është nominuar filmi, janë “filmi më i mirë”, “regjia më e mirë”, dhe “skenari i adaptuar më i mirë”. Kjo do të thotë se filmi i bazuar në kryeveprën letrare barazohet sa i përket numrit të nominimeve me filmin “Crouching Tiger, Hidden Dragon” të vitit 2000, i cili kishte fituar katër çmime.

Ndarja e Çmimeve BAFTA këtë vit do të bëhet më 19 shkurt, gati një muaj para ndarjes së Çmimeve Oscar, që ndahen më 12 mars. Ceremonia e ndarjes së Çmimeve BAFTA do të udhëhiqet nga aktori Richard E. Grant.

I botuar për herë të parë më 1929, “Asgjë të re nga fronti i perëndimit” është konsideruar si një nga librat më të rëndësishëm të shkruar me subjekt nga kasaphana e Luftës së Parë Botërore. Siç shkruan autori, kjo është një mënyrë e përsosur “për të rrëfyer një gjeneratë, që edhe nëse u shpëton granatave, shkatërrohet nga lufta”.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera