POP 5

Lajmet më të lexuara të 5 minutave të fundit

Kronikë

Ashpërsimi i Kodit Penal për thyerjen e karantinës, pret firmën e Metës! Në fuqi vetëm pas botimit në Fletoren Zyrtare

Kodi i ri penal që klasifikon krim të dënueshëm mos zbatimin e rregullave të karantinës dhe përhapjes e sëmundjeve infektive do të hyjë në fuqi pas dekretimit nga presidenti dhe botimit në Fletoren Zyrtare. ReportTv mëson nga burime pranë presidencës se dekreti do të bëhet pa vonesa, ndërsa deri në bërjen aktive të kodit do të zbatohen aktet normative të miratuara më herët.

Kthimi i mosrespektimit të karantinës, rregullave orareve në vepër penale me ndryshimet e miratuara në parlament më 16 Prill 2020, do të jenë në pritje të firmës së presidentit Ilir Meta për t'u bërë aktiv.

Veç ndryshimeve në Kodin Penal për COVID-19 në pritje të dekretit janë edhe ndryshimet në Kodin Penal për dhunën në familje.

ReportTv mëson se nga presidenca nuk do të ketë vonesë për dekretimin e kësaj pakete ligjore e cila do të përfshijë ndryshimet në kodin penal të cilat pas dekretit do të hynë në fuqi me botimin në fletoren zyrtare.

Para votimit në parlament u prezantuan dy drafte, ai i mazhorancës që parashikonte dënimin maksimal në 15 vite dhe ai i propozuar nga presidenti Meta me 10 vite në rast se me përhapjen e COVID-19 shkakton pasoja e vdekjen e të tjerëve.

Ndërsa si përfundim me shumicë të cilësuar parlamenti miratoi draftin që parashikon dënim nga 3 deri në 8 vite nëse kjo vepër penale, pra përhapja e infeksionit covid-19 ka shkaktuar pasoja të rënda.

Të tjera ndryshime ishin si vijon "Gjobë ose burgim deri në 6 muaj nëse nuk zbaton urdhrat për karantinën, gjobë ose deri në 2 vite burg për bizneset që nuk zbatojnë urdhrat për masat e sigurisë dhe oraret,  2 deri në 3 vite burg nëse je ose jo mbartës i sëmundjes dhe nuk zbaton karantimin apo izolimin, 2 deri në 5 vite burg nëse përhap me dashje sëmundjen mbartëse, 2 vite burg kur kjo vepër penale bëhet nga pakujdesia, 3 deri në 8 vite burg kur kjo vepër ka shkaktuar pasoja të rënda‘‘.

Deri në hyrjen në fuqi të ndryshimeve në kod penal të cilat do të ishin të aplikueshme edhe nga policia apo postblloqet e kontrollit do të zbatohen në terren aktet normative të miratuara më herët që kanë masa administrative me gjobë.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi/ PS dhe PD ndajnë nga 4 mandate deputetësh në Shkodër

Sondazhi/ PS dhe PD ndajnë nga 4 mandate deputetësh në Shkodër

25 Dhjetor, 21:24