POP 5

Lajmet më të lexuara të 5 minutave të fundit

Opinion

Periferi

Askush nuk duhet të mërzitet me Aleksandër Gjokën

Me Aleksandër Gjokën kjo nuk mund të ndodhë. Ai le të thotë ç’të dojë për këdo. Janë më të sinqerta e të pastra fjalët “e pista” të një artisti si ai, nga shumë fjalime e analiza që dëgjojmë. Thënë kjo, le të merremi me veten.

Askush nuk duhet të mërzitet me Aleksandër Gjokën

Askush nuk mund të mërzitet me një artist si Aleksandër Gjoka, çfarëdo që ai të thotë. Askush nuk mund të gjykojë një mit e një vlerë e në Shqipëri, nuk i kemi me shumicë, ta pranojmë këtë. Mund të shahet një dikush që shqiptarët duhet të mendohen mirë se kush është. Foli ky, foli kjo, kush janë? Çfarë kanë bërë? Me Aleksandër Gjokën kjo nuk mund të ndodhë. Ai le të thotë ç’të dojë për këdo. Janë më të sinqerta e të pastra fjalët “e pista” të një artisti si ai, nga shumë fjalime e analiza që dëgjojmë. Thënë kjo, le të merremi me veten.

Ne të tjerët, që nuk jemi as mite dhe as legjenda, duhet të respektojmë rregullat, që të dalë nga karantina po i harrojmë. Distancimi fizik, higjena, maskat nuk janë shenja të një konspiracioni botëror, qindra mijëra viktima në botë janë realë dhe jo fryt i fantazisë së kushedi se kujt. U lodhëm duke e thënë: ilaçet, vaksinat kanë bërë që pjesa e popullsisë në botën moderne të arrijë një moshë të lartë mesatare jetese, mbi 70 vjeç, në këto vite progresi dhe shkence, ndërsa, pa shkuar deri në mesjetë kur njerëzit kuroheshin vetëm me bimë, por edhe në vitet ’20 të shekullit të kaluar në Shqipëri, Europë e më gjerë, mosha mesatare ishte vetëm 50 vjeç. Nuk e di pse duhet të luftojmë me mullinjtë e erës për të bërë që disa të besojnë faktet, të dhënat, shifrat, në vend që të magjepsen nga fantazia e konspiracioneve; por ka shpjegime shkencore dhe studime edhe për këtë: Një pjesë e njerëzve pranojnë më kollaj të besojnë magjitë, intrigat e thashethemet se sa të lodhin kokën me studime, lexime, libra dhe fakte. Eshtë më e vështirë për disa të dëgjohet një shkencëtar sesa një rrëfimtar barcaletash me shtriga e funde filxhanesh. Lëre pastaj kur këta magjistarë sjellin edhe dëshmitarë të magjive dhe mrekullive të tyre. Aktorët nuk janë asgjë para këtyre.

Dy ditët e fundit në Tiranë shifra e të infektuarve e kaloi numrin 20, nga pak raste që kishim më parë. Mes tyre të infektuar edhe 13 mjekë dhe infermierë në QSUT. Kjo është alarmante. Kjo do të thotë që e kanë ulur vigjilencën dhe janë sjellë të pandërgjegjshëm dhe të pavetëdijshëm dhe bluzat e bardha. Imagjinoni pjesën tjetër të popullatës që sheh me nënqeshje e me përbuzje dikë që lëviz me maskë. Dhe në fakt e keni vënnë re, kush po ndërgjegjëson më për koronavirusin veç pak mjekëve që e shohin si detyrë e përgjegjësi qytetare? Nëse nuk flet kryeministri, një shtet i tërë kthen kokën nga ana tjetër, ndërgjegjësimet sa vijnë e zhduken e zhduket çdo gjurmë e detyrës që duhet të mbajë të zgjuar e në gatishmëri akoma gjithë popullatën.

xy/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Luani: 27/05/2020 15:34

    Dakord me autoren, mos merremi me Sandrin se nuk na vjen e keqja nga Sandri. Per vaksinat, hapni studimet dhe shikoni qe kane efektin kryesor ne rritjen e jetegjatesise se individeve. beni nje search ne google te shikoni se cndodh po te zuri lija, fruthi, rubeola nese nuk ke bere vaksinen dhe flasim. Ne kete vend njerezit jane shume te pakujdesshem, perfshire mjeket, prandaj duhet edhe me shume vigjilence. Ruani distancat dhe perdorni maskat, nuk eshte turp...

    Përgjigju
  • redi: 27/05/2020 14:17

    Sander Gjoka eshte kengetar i mire, por mos hiperbolizo duke e quajtur mit.Sandri mund dhe te revoltohej per masat e marra nga qeveria ,por ai lum sharjesh nuk justifikohet aq ne teper per nje figure politike si kryeministri qe od sdo Sandri ,eshte votuar nga shumica e shqiptareve.Ka dhe mite tek ne por edukata dhe kultura i kane bere, qe te kujtohen me admirim dhe mbas vdekjes

    Përgjigju
  • Esma: 27/05/2020 13:06

    Eshte idhull dhe jam dakord qe te shohim trurin tone qe na duket normal

    Përgjigju
  • Ben Tironci: 27/05/2020 12:26

    Aleksander Gjoka nje bo*** kandari

    Përgjigju
  • Emri: 27/05/2020 12:14

    Deri te Aleksander Gjoka ishe ne rregull, pastaj kur fillove te flisje per vaksinat e teprove pak. Duke ruajtur te gjithe respektin per ju, kush jeni ju qe jepni keshilla per vaksinat? Kjo eshte nje ceshjte shkencore (dhe pak konspirative) dhe per te folur per kete duhen bere studime. Te gjithe e dime si ecen bota, i pasuri paguan per te mbyllur gojat dhe kerkon gjithmone e me shume, edhe duke parashikuar "viktima" rruges. Pse vaksinat e kane rritur moshen mesatare? Jane shume faktore dhe vaksinat mund te jene njera prej tyre, por kujdes kur flet per to. Nese edhe vet Donald Trump ka folur per vaksinat, ka dicka qe duhet studiuar.

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

‘Giro d’Italia 2025’ nis nga Shqipëria, jehonë në mediat e huaja

‘Giro d’Italia 2025’ nis nga Shqipëria, jehonë në mediat e huaja

26 Dhjetor, 08:14