POP 5

Lajmet më të lexuara të 5 minutave të fundit

Asllani tentoi ta 'groposte', Interin e nderon Lautaro! Juventus bie me përmbysje kundër Genoa-s

Falë përmbysjes me shifrat 4-2 kundër Empolit Inter ka marrë përkohësisht kryesimin e Seria A. Në këtë ndeshje realizoi për herë të parë në kampionat edhe mesfushori i kombëtares Kristjan Asllani. Ndërkohë Juventus është mposhtur nga Xhenoa me shifrat 2-1.

Një shqiptar për pak nxorri Interin përfundimisht nga gara për titull kampion, por zikaltërit ia kanë arritur që sfidën kundër Empolit, e vlefshme për javën e 36 të Seria A, ta fitojnë 4-2 me përmbysje. Në San Siron e mbushur plot miqtë befasuan duke kaluar në avantazh të dyfishtë, fillimisht me ish-interistin Pinamonti pastaj me shqiptarin Kristjan Asllani. Për 20-vjeçarin e kombëtares shqiptare ky ishte edhe goli i parë në karrierë i realizuar në Seria A.

Ishte pikërisht ky gol që shkundi Interin kampion në fuqi, që falë tentativave të njëpasnjëshme shkurtoi fillimisht me një autogol dhe më pas Lautaro mbylli pjesën e parë me shifrat 2-2. Në pjesën e dytë argjentinasi me golin e dytë i dha epërsi për herë të parë zikaltërve në këtë përballje, ndërsa në shtesë Sanchez vulosi gjithçka në 4-2.

Përtej Interit që mori një 3 pikësh tejet të rëndësishëm pas ndeshjes pati superlativa për mesfushorin e Empolit Asallani. Trajneri i tyre tha se '20-vjeçari sapo ka përfunduar së piri qumësht, por premton të bëhet një futbollist i madh'.

Ndërkohë Juventus është befasuar nga Genoa, që e ka përmbysur 2-1. Goli i Dybalas u bë i pavlefshëm falë Gudmunnson dhe Crisito-s që siguruan 3 pikët për vendasit. Sakaq të dielën Milan ka mundësinë për ti marrë vendin Interit dhe për t’u kthyer kryesuese në Seria A. ‘Djalli’ luan në transfertë kundër Veron-s që ëndërron kupat e Europës.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

REPLIKAT/ Shehaj nxjerr dokumentin: Lapaj mori 45 mln lekë të vjetra nga kompania e 'Çapjave' e sekuestruar nga SPAK! Adriatiku: S'jam klerik, do marr lekë dhe nga kriminelët

REPLIKAT/ Shehaj nxjerr dokumentin: Lapaj mori 45 mln lekë të vjetra nga kompania e 'Çapjave' e sekuestruar nga SPAK! Adriatiku: S'jam klerik, do marr lekë dhe nga kriminelët

5 Shkurt, 18:15