Kadri Cakrani e tregon në mënyrën e mëposhtme atentatin komunist të datës 3 shkurt 1944 para hotel "Dajtit". Të njëjtën ditë u vra edhe nipi i Xhafer Devës. Në të dy atentatet, komunistët nuk i shquan objektivat e tyre, xhafer deva dhe Kadri Cakrani, por qëlluan ndaj njerëzve të tjerë.
Nipi i Xhaferit arriti t’i mbijetojë plagëve, por komunistëve e dënuan një vit më pas me gjyq dhe e ekzekutuan. Ja pjesa e atentatit para hotelit, ku objekt ishte Kadriu:
“E kisha pirë kafenë për gjysmë kur dëgjova disa të shtëna e krisma dhe një breshëri plumbash, jo shumë larg. Nxora Walterin dhe shkallëve dola jashtë. Te dera e jashtme e oborrit po vazhdonin të qëllonin dhe unë ashtu përkulur pashë se kishin sulmuar makinën time. Me siguri kishin kujtuar se isha unë kur po dilte. Pashë në krahun e djathtë të makinës tim nip, Isa Xhindolen, i cili ndërroi pozicion dhe po qëllonte me pistoletë. Dy xhandarë që patrullonin aty afër, po ashtu.
Nxitova, si do që qëllonin dhe u afrova tek makina, po nga dera e hapur shoferi im, i goditur nga afër, ishte vrarë mbi timon. Isa Xhindole duroi deri sa shkova dhe ra në tokë i gjakosur dhe pa ndjenja. Kishin kujtuar se më kishin goditur mua, pasi makinën e njihnin dhe kishin qëlluar shoferin nga drejtime të ndryshme një herësh. Por shkëmbimi i zjarrit kish bërë që ordinanca të kish vrarë në vend njërin, një djalë të ri që ishte jo shumë larg.
Tjetrin që mbështeste me zjarr shokun e tij, ai që goditi nga afër, ish qëlluar nga shoferi. Të gjithë kishin ikur me vrap dhe dy xhandarë që patrullonin aty afër, filluan të shtinin dhe atentatorët nuk ikën dot si e kishin bërë planin. Mbase nuk ishin nga Tirana dhe mund t’i mbështesnin gueriljet nëpër rrugët e qytetit. Sulmi ishte i shkurtër dhe që nga makina me të vrarin qëllova dhe unë një karikator pistolete në atë drejtim. Këto më shumë për zjarr, se po ngrija në atë moment nipin tim të plagosur.
Shpërtheu befas dhe një bombë që më bëri të ulesha, pasi mund të dukej ndonjë atentator pas tymit. Ata do të më njihnin me një herë nga që isha i gjatë, prandaj kur pushuan të shtënat dhe u shpërnda tymi, pashë që xhandarët shkuan të parët. Ishin 4 vetë, po unë nxitova për në spital me nipin e plagosur”.
Lajme të tjera
-
Misteri: Ku shkuan 8 tonë ar, që doli nga Thesari në vitin 1968
4 Maj, 18:37
-
12 maj 1908, ditëlindja e Enver Hoxhës
17 Tetor 2023, 09:48
-
Të deklasuarit si 'spiunë të Sigurimit të Shtetit'
4 Tetor 2023, 09:28
-
'Në dhjetor ’44 çoi një tortë në misionin amerikan dhe i jepet si dhuratë një peshqesh 1.000 franga…', akt-akuza që çoi në plumb poliglotin Dino Shani
25 Gusht 2023, 08:34
-
"Mos t'i pushkatojmë para kampit"
25 Maj 2023, 09:46
-
Jeni kureshtarë? Si duket pasaporta e shtetit shqiptar në fillim të viteve '20 (FOTOLAJM)
6 Maj 2023, 08:48 -
Historia e panjohur e përvetësimit të dhjetrave ton ar: Kush ishte njeriu më i besuar i Enver Hoxhës, që kishte si detyrë sigurimin e depozitave monetare të familjes Hoxha në Perëndim
4 Maj 2023, 07:53
-
Historia e panjohur që rrënoi Shqipërinë! Si ‘avulluan’ tonelata me ar në vitet ‘80-të me anë të ‘kambizmit’ të firmave fantazmë dhe si u justifikuan nga Ramiz Alia
3 Maj 2023, 22:30
-
Miladin Popoviçin, themeluesin e PKSH-së, e vrau Organizata Shqiptare Irredentiste
16 Prill 2023, 18:29
-
Fashikulli për Ibrahim Rugovën në vitet 1968-1988
9 Tetor 2022, 15:24
-
‘Revolta e Spaçit’ në maj ’73, Gjet Kadeli ngriti flamurin, Fetah Debrova donte t’u priste kokat, veshët, hundët/ Raportet e bashkëpunëtorëve të Sigurimit
11 Shtator 2022, 07:25
-
‘Sipas fjalëve të Vasil Shantos, ne ishim të sigurt se do vinim shëndoshë e mirë në Shqipëri, por ai…’, dëshmia e togerit jugosllav që u kap rob kur vrau ‘Militantin’
10 Shtator 2022, 08:25
