Atentati i blogerit nacionalist rus, Shën Petersburgu në zi! Ceremoni mortore për Vladlen Tatarsky, krijon radhë të gjata në varreza

 

Sot është mbajtur ceremonia mortore e Vladlen Tatarsky, blogerit nacionalist dhe komandantit ushtarak, i cili vdiq në sulmin e 2 prillit në një kafene në Shën Petersburg.

Siç raportojnë mediat ruse, dhoma e funeralit të blogerit, pranë mercenarëve të kompanisë Ëagner, u vendos në sallën e varrimit të varrezave Troekurovsky të kryeqytetit.

Për ta përshëndetur erdhën bashkëluftëtarë dhe qytetarë të shumtë të cilët krijuan radhë në hyrje të varrezave. Shumë nga ata që erdhën nuk i mbanin dot lotët.

Vladlen Tatarsky ishte një mbështetës i zëshëm i luftës së Rusisë në Ukrainë, ai kishte raportuar nga vija e frontit të Ukrainës dhe fitoi famë të veçantë vitin e kaluar pasi postoi një video të filmuar brenda Kremlinit në të cilën ai thoshte “Ne do t’i mposhtim të gjithë, do t’i vrasim të gjithë, do t’i grabisim të gjithë. Ashtu siç duam”.

Burime të Ministrisë së Brendshme thanë se një bombë ishte fshehur në një statujë që iu dorëzua Tatarskit në një kuti si dhuratë.Sipas raportimeve 15 persona u plagosën nga shpërthimi në Street Bar Cafe në Shën Petërsburg.

 

 

Lajmi kryesor:

Lufta/ Rrjedhje e re e informacionit sekret amerikan! NY Times: SHBA po spiunon aleatët e saj

K.T./LR/Shqiptarja.com

TAG:
• lufta ne ukraine
• rusia sulmon ukrainen