Sipas këtij akt ekspertimi në këtë ngjarje janë përdorur dy pistoleta, një me silenciator sekuestruar autorit të dyshuar Emiljano Tasho dhe një pistoletë nga Bujar Hasani i shpallur në kërkim dhe i pa arrestuar.
Shqiptarja.com ka siguruar ekskluzivisht akt ekspertimin e vendngjarjes ku nga pamjet filmike pak çaste pas goditjes me grusht që Mirsad Kuçanaj dhe Ervis Martinaj i bëjnë Nikajt, 2 shokët e tyre Hasani dhe Tasho nxjerrin pistoletat.
E gjithë skena e krimit nga konflikti fizik deri në përdorimin e armëve ka zgjatur 3 minuta e 19 sekonda ku personat tashmë të idetifikuar për policinë kanë kryer vrasjen e Nikajt dhe plagosjen e Gaxherit.
Kur ora shënon 13:50.17 sec automjeti në të cilin udhëtonin Enton Nikaj dhe Ismet Gaxheri futet në parkimin e lokal "Muragës" në zonën e Linzës, në pronësi të Ismet Gaxherit.
![foto 1](http://www.shqiptarja.com/foto/201988.jpg)
Një minutë më pas në 13:51 Emiljano Tasho del nga lokali dhe i drejtohet parkimit ku bën një kontroll me sy për personat që ndodheshin në automjetin me të cilën mbërrin Nikaj e Gaxheri.
![foto 2](http://www.shqiptarja.com/foto/201989.jpg)
Pak sekonda më pas nga lokali dalin dhe 3 persona të tjerë të identifikuar si Ervis Martinaj, Mirsad Kuçanaj e Bujar Hasani që së bashku me Tashon futen në automjetin Mercedez Benz me targë AA 725 MD, automjet ky në pronësi të Emiljano Ninës. Fillimisht u tha se ishte Nina autori, por ai u përfshi në këtë ngjarje vetëm për shkak të pronësisë së automjetit. Ai është kushëriri i Ervis Martinajt.
![foto 3](http://www.shqiptarja.com/foto/201990.jpg)
Nga akt ekspertimi rezulton se personi i shpallur në kërkim Ervis Martinaj ka qenë duke drejtuar makinën me targë AA 725 MD, automejt me të cilën ata ndalojnë në mes të parkimit sapo shohin Nikajn dhe Gaxherin.
![foto4](http://www.shqiptarja.com/foto/201991.jpg)
Sapo dalin nga makina siç dhe shihni në këto foto ekskluzive Martianj veçon Enton Nikajn duke e drejtuar për në murin rrethues të parkimit.
![foto5](http://www.shqiptarja.com/foto/201992.jpg)
![6](http://www.shqiptarja.com/foto/202002.jpg)
Në orën 13:53 minuta ish-efektivi i policisë Mirsad Kuçanaj godet me grusht në fytyrë Enton Nikajn e fill pas tij Bujar Hasani nxjer nga çanta një pistoletë dhe personi me rreth të kuq i identifikuar si Emiljano Tasho fut dorën në brez duke nxjerr pistoletën.
![7](http://www.shqiptarja.com/foto/202003.jpg)
Me nisjen e konfliktiti fizik rezulton se Ismet Gaxheri është goditur me qyta pistolete njëherazi nga Tasho dhe Hasani.
![foto 4](http://www.shqiptarja.com/foto/201995.jpg)
![foto 8](http://www.shqiptarja.com/foto/201996.jpg)
![foto 9](http://www.shqiptarja.com/foto/201998.jpg)
Në 13:53 minuta e 33 sekonda Bujar Hasani është fiksuar teksa kërcënon me armë në kokë Ismet Gaxherin dhe ky i fundit ulet në gjunjë duke mos lëvizur, pjesa tjetër e grupit Martinaj, Kucanaj dhe Tasho janë larguar fushëpamjes së kameras së sigurisë dhe ku dyshohet se është momenti që vritet Nikaj.
![foto 10](http://www.shqiptarja.com/foto/201999.jpg)
Në 13:53:36 sekonda personat e përfshirë në konflikt largohen nga parkimi - thotë akt ekspertimi -dhe më pas njoftohet policia.
Në gjykatë autorësia e vrasjes është pranuar nga Emiljano Tasho si vrasje nga pakujdesia por sipas hetuesve me arrestimin e Hasanit dhe Martianjt do të zbardhet i plotë momenti i ekzekutimit të Nikajt dhe personi që ka qëlluar mbi viktimën.
Deri në këtë fazë të hetimeve Nikaj rezulton i vrarë me një plumb pas koke dhe dyshohet se plumbi i përket pistoletës me silenciator sekuestruar Emiljano Tashos.
Nikaj u vra një javë më parë në periferi të Tiranës ndërsa për këtë ngjarje Gjykata ka dhënë masë sigurie "arrest me burg" për Mirsad Kuçanaj, Emiljano Tashon e Emiljano Biracin dhe "arrest me burg" në mungesë për Martinajn dhe Hasanin.
![foto 11](http://www.shqiptarja.com/foto/202000.jpg)
Redaksia Online
(u.s/shqiptarja.com)
![](https://www.shqiptarja.com/template/img/sh_logo1.png)