POP 5

Lajmet më të lexuara të 5 minutave të fundit

Kronikë

Atentati ndaj Doshit, Gjykata e
Lartë refuzon lirimin e Durim Bamit

Gjykata e Lartë i refuzon lirinë Durim Bamit duke lënë në fuqi masën e sigurisë arrest në shtëpi për të riun nga Fushë-Kruja, i cili një vit më parë u mor i pandehur për akuzën e kallëzimit të rremë. Sipas prokurorisë, Durim Bami, Tom Doshi e Mark Frroku sajuan atentatin e pretenduar publikisht nga Doshi duke konsumuar kështu veprën penale të kallëzimit të rremë.  VIDEO
Atentati ndaj Doshit, Gjykata e<br />Lartë refuzon lirimin e Durim Bamit
Durim Bami do të qëndrojë nën masën e arrestit në shtëpi. Ishte ky vendimi i kolegjit penal këtë të enjte, i cili rrëzoi kërkesën e Bamit për të fituar lirinë.

Durim Bami është marrë i pandehur nga prokuroria për akuzën e kallëzimit të rremë, ndërsa ai vetë ka deklaruar se atentati i pretenduar nga deputeti Tom Doshi ishte sajesë e këtij të fundit.

Për avokatin e Bamit, ky vendim i gjykatës ishte në shkelje të ligjit, pasi Bami nuk rrezikon të prishë asnjë provë në një kohë që hetimi është mbyllur.

Durim Bami u arrestua në Mars të 2015, pasi u përfshi në hetimet e akuzës për atentatin e pretenduar nga deputeti Doshi, ndërsa në pranga me të përfunduan vetë Doshi dhe ish-deputeti Mark Frroku.

Aktualisht, gjykimi për 3 të pandehurit për kallëzim të rremë në lidhje me atentatin është pezulluar në gjykatën e Lartë pasi është dërguar në Kushtetuese për interpretim, por ende pas 5 muaj nuk ka një vendimarrje.
 
Redaksia Online
(shqiptarja.com)

  • Sondazhi i ditës:

    ‘Rasti Qefalia’, a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

Britania ndryshon ligjin, i jep përparësi kërkesave për azil nga shqiptarët

Britania ndryshon ligjin, i jep përparësi kërkesave për azil nga shqiptarët

22 Korrik, 16:38