Atentati ndaj ish Presidentit Donald Trump ka larguar vëmendjen nga debati mbi të ardhmen politike të Presidentit Joe Biden. Por, ndërsa Trump hodhi një hap përpara të hënën, duke bërë një paraqitje në Kuvendin Kombëtar të Partisë Republikane dhe duke shpallur kandidatin për nënpresident, Presidenti Biden po përgatitet për vazhdimin e fushatës me ndalesa të tjera këtë javë, në këtë fazë të paqartë të garës presidenciale.
Dallimet e thella mes dy kandidatëve u rikthyen në qendër të vëmendjes të hënën, me skena të nxehta dhe energjike ndërsa republikanët zyrtarisht emëruan ish presidentin Donald Trump si kandidat të tyre për president në Milluoki.
“Presidenti më i mirë në historinë e vendit, Donald J. Trump”, tha Eric Trump, djali i ish presidentit Trump në Kuvendin Kombëtar të republikanëve.
Ndërkohë, Presidenti Joe Biden i bëri thirrje amerikanëve që të përmbahen nga retorika e ashpër politike pas atentatit tronditës të fundjavës ndaj Trump.
Gjatë një interviste në kanalin NBC të hënën, ai tha se ende e kundërshton retorikën “nxitëse” dhe “të mbrapshtë” të Trump dhe bazës së mbështetësve të tij.
Ai u pyet nëse atentati ndaj Trump do të ndryshonte trajektoren e garës presidenciale.
"Nuk e di dhe as ju nuk e dini", tha ai.
Por duket se kjo ka zgjidhur problemin e fundit politik, paraqitjen e dobët të Biden në debat, që çoi në thirrjet për tërheqjen e tij nga gara për president.
“Mendoj se Joe Biden ka tejkaluar stuhinë e thirrjeve për largimin e tij nga gara për president. Por, ai duhet të bëjë paraqitje të mira”, thotë Jim Kessler nga organizata “Third Way”.
Trump, në paraqitjen e parë publike pas atentatit, u prit me brohoritje nga mbështetësit e tij në sallën, ku po mbahet Kuvendi Kombëtar i republikanëve, me thirrjet "luftoni, luftoni, luftoni".
Presidenti Biden kritikoi Trump.
“Unë nuk kam thënë se dua të bëhem diktator që në ditën e parë në detyrë, nuk kam thënë se nuk do të pranojë rezultatin e zgjedhjeve dhe nuk jam ai që ka thënë se nuk do ta pranojë rezultatin e këtyre zgjedhjeve”, tha Presidenti Biden.
Dy kandidatët kanë bërë thirrje për unitet pas atentatit ndaj Trump.
Por analistët thonë se thirrja mund të ketë kuptime të ndryshme për kandidatët.
“Ata po bëjnë thirrje për unitet. Por unë mendoj se dallimet e tyre rreth konceptit të kësaj thirrjeje janë thelbësore. Mendoj se këtu qëndron problemi. Pra, ata po e bëjnë thirrje për këtë, por, në fakt, kjo mund të jetë një formë e maskuar e një mesazhi partiak”, thotë John Greer nga Universiteti Vanderbilt.
Askush nuk e di se çfarë do të ndodh tani, në këtë garë mes dy kandidatëve të moshuar, të cilët do të konkurrojnë deri në fund të kësaj gare presidenciale rraskapitëse, të ashpër, dhe emocionale./VOA
Lajme të tjera
-
VIDEO/ Skandal në Kupën e Amerikës, arrestohet presidenti i federatës
17 Korrik, 13:18 -
Zhgënjimi me ligjet e Kalifornisë, Musk do të zhvendosë selitë e kompanive SpaceX dhe X
17 Korrik, 09:13 -
SHBA/ Ish-analistja e CIA-s akuzohet se punonte për Korenë e Jugut
17 Korrik, 07:57 -
CNN: Javët e fundit alarm për një komplot iranian për të vrarë Trump
16 Korrik, 21:46 -
Akuzohet për korrupsion, senatori demokrat Bob Menendez shpallet fajtor në gjyqin federal
16 Korrik, 20:27 -
Atentati ndaj ish-presidentit, drejtoresha e Shërbimeve Sekrete nuk do të japë dorëheqjen
16 Korrik, 19:29 -
Atentati ndaj Trump, eksperti i sigurisë kombëtare për Report Tv: U qëllua nga 120 m largësi, autori i njihte mirë armët! Nuk u ndërhy në kohë
16 Korrik, 19:11 -
SHBA: Mbështesim me vendosmëri SPAK në luftën kundër korrupsionit dhe pandëshkueshmërisë
16 Korrik, 16:30 -
Biden mbron retorikën e tij kundër Trumpit
16 Korrik, 09:14 -
Trump shfaqet me veshin e fashuar në Kongresin e Republikanëve, turma e pret me brohori! Biden e sfidon me një debat të ri
16 Korrik, 07:44 -
Presidenti Biden do të marrë emërimin e partisë përmes një votimi virtual përpara kuvendit
16 Korrik, 07:30 -
Shërbimi Sekret rrit masat e sigurisë pas sulmit ndaj Trumpit
15 Korrik, 21:59
