POP 5

Lajmet më të lexuara të 5 minutave të fundit

Politikë

Atentati ndaj Ndojës/ LSI: Ministria e Brendshme me Lleshjan si institut statistikash që numëron viktimat

Siguria publike në mëshirë të fatit! Kështu e nis reagimin e tij lidhur me atentatin e një dite më parë ndaj prokurorit të Durrësit, Arjan Ndoja, ish-deputeti i LSI-së, Endrit Braimllari.

Atentati ndaj Ndojës/ LSI: Ministria e Brendshme me Lleshjan si institut statistikash që numëron viktimat

TIRANË- Siguria publike në mëshirë të fatit! Kështu e nis reagimin e tij lidhur me atentatin e një dite më parë ndaj prokurorit të Durrësit, Arjan Ndoja, ish-deputeti i LSI-së, Endrit Braimllari. Nurmi dy i LSI-së ka hedhur akuza të rënda për kryeministrin Edi Rama dhe ministrin e Brendshëm, Sandër Lleshaj, sipas së cilit janë vënë në shërbim të oligarkisë dhe krimit të organizuar

"Siguria publike në mëshirë të fatit. Qytetaret po përballen çdo ditë e me shumë me ngjarje të renda dhe nuk ka asnjë reagim apo plane masash nga kjo qeveri. Qytetaret janë lënë në mëshirë të fatit sepse Kryeministri dhe qeveria e tij janë në shërbim të oligarkisë dhe krimit të organizuar.

Ministria e Brendshme me Sandër Lleshin ministër është kthyer në institut statistikash, numëron vetëm viktimat, aksidentet dhe kilogramët e kokainës që kalojnë sa në një port në portin tjetër. Qytetarët janë të pambrojtur nga instuticionet e sigurisë, që për fatin tonë të keq vetëm numërojnë viktimat dhe nuk bëjnë asnjë gjë tjetër. Në këtë situate të rëndë për vendin zgjedhjet janë e vetmja zgjidhje për të kthyer rendin dhe sigurinë publike, stabilitetin dhe zhvillimin ekonomik të vendit. Për të forcuar instuticionet dhe për të kthyer besimin e qytetareve tek një shtet që mbron interesat e tyre', shkruan Braimllari.

Ditën e djeshme, rreth orën 16:30, persona ende të paidentifikuar i bënë atentat prokurorit të Durrësit, Arjan Ndoja, i cili po udhëtonte me mjetin e tij (me dokumente figuron në emër të Fadil Çallikut) me të 'fortin' e Sukthit, Landi Muharremi dhe me Andi Malokun, ish-punonjës i policisë në komisariatin e Krujës, aktualisht shofer i prokurorit. Si pasojë e plumbave, në gjendje të rëndë ndodhet shoferi Andi Maloku 30 vjeç, i cili ka marrë një plumb në gjoks dhe ndodhet në spitalin e Traumës në Tiranë. Ndërsa prokurori Ndoja dhe Muharremi, që së fundi e kishte ndryshuar emrin në Aleksandër Laho, po marrin trajtim në spitalin e Durrësit dhe ndodhen jashtë rrezikut për jetën. 

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu