Ish-presidenti dhe kandidati presidencial nga radhët e republikanëve, Donald Trump, i shpëtoi një atentati në një tubim në Pennsylvania, më 14 korrik.
Atentatori u identifikua një 20 vjeçar, i quajtuar Thomas Mattheë Crooks, i cili mbeti edhe i vrarë pas atentatit ndaj Trump.
Lidhur me këtë atentat ndaj ish-presidentit, ekspert i sigurisë kombëtare Adrian Shtuni në një lidhje skype nga SHBA, për 'Frontline Intervieë', në Report Tv tregoi se atentatori nuk ishte amator, por dinte të përdorte armët shumë mirë.
Sipas tij, 20-vjeçari shkonte shpesh edhe në poligon qitje me të atin.
“Ajo që dimë është se vjen nga një familje që ka arsenal armësh në shtëpi dhe kishin 20 armë, babai i tij shkonte me të në një poligon qitje. Në Amerikë ka një dashuri për armët dhe kjo na tregon se ai nuk ka qenë amator, por i njihte armët dhe i ka përdorur dhe ajo ishte AR 15 gjysmë automatike, dhe ka qëlluar në një largësi prej 120 metra. Është e vështirë që të godasësh një shënjestër që është në lëvizje, sepse Trump s’po rrinte statik. Ai e dinte mirë atë që po bënte, është pozicionuar në një nivelt të lartë për të qëllyuar. Ai ka qenë i motivuar deri në vdekje për të bërë atë që bëri”, tha ai.
Eksperti tregoi se edhe pse 20-vjeçari u pikas nga qytetarët që ishin në tubim, sipas tij, nuk është ndërhyrë në kohë për të parandaluar sulmin.
“1 minutë e 57 sekonda kanë kaluar nga momenti i parë që personi është pikasur. Ai ka hipur me një shkallë lëvizëse aty dhe është zvarritur për të mos u parë, pra është zvarritur në çatin e ndërtesës dhe është lajmëruar rasti tek policia lokale dhe se sa ka arritur policia lokale që të komunikojë me ata që bëjnë ruajtjen e presidentit, kjo është edhe pikëpyetja. Pra si ka mundësi që nuk ndodhi komunikimi në kohën e duhur?”, tha ai.
Sa i përket videos që qarkulloi në rrjet, ku një person për të cilin u tha se ishte atentatori dhe fliste me një gjuhë urrejtje ndaj Donald Trump, eksperti tha se nuk është i njëjti person.
“Ajo video është fake dhe ai person me flokë të gjatë i ngjan atij që ka kryer sulmin dhe nuk është i njëjti. Nuk ka deklaratë nga personi të konfirmuara të ndonjë natyre urrejtje ndaj një partie apo ndaj një kandidati për president. Duhet të kemi kujdes me shpërndarjen e informacioneve”, tha ai.
Lajme të tjera
-
Atentati ndaj ish-presidentit, drejtoresha e Shërbimeve Sekrete nuk do të japë dorëheqjen
16 Korrik, 19:29 -
SHBA: Mbështesim me vendosmëri SPAK në luftën kundër korrupsionit dhe pandëshkueshmërisë
16 Korrik, 16:30 -
Biden mbron retorikën e tij kundër Trumpit
16 Korrik, 09:14 -
Trump shfaqet me veshin e fashuar në Kongresin e Republikanëve, turma e pret me brohori! Biden e sfidon me një debat të ri
16 Korrik, 07:44 -
Presidenti Biden do të marrë emërimin e partisë përmes një votimi virtual përpara kuvendit
16 Korrik, 07:30 -
Shërbimi Sekret rrit masat e sigurisë pas sulmit ndaj Trumpit
15 Korrik, 21:59 -
Pas atentatit, Donald Trump zgjedh kandidatin për zëvendëspresident të SHBA-ve
15 Korrik, 21:36 -
'Dështoi eliminimi i Trump, por jo atentati, eksperti në '5 Pyetjet': Shërbimet e sigurisë ceduan! Evakuimi ishte shumë i ngadaltë
15 Korrik, 21:34 -
Varësia e Perëndimit nga lënda djegëse bërthamore ruse
15 Korrik, 19:32 -
Atentati ndaj Trump, ish ambasadori Nesho: Ishte ashpërsuar gjuha mes tij e Biden! Tashmë politika amerikane nga dhuna kalon tek konsensusi
15 Korrik, 18:03 -
Qëndrimi i ish-Presidentit Trump pas atentatit, mobilizon përkrahësit e tij
15 Korrik, 15:41 -
Pikëpyetje rreth masave të sigurisë pas atentatit ndaj ish-Presidentit Trump
15 Korrik, 14:47
