Debate të ashpra kanë shoqëruar një ditë më parë mbledhjen e kryesisë së PD. 

Përplasjet verdale gati sa nuk shpërthyen edhe në dhunë fizike mes anëtarëve të kryesisë të cilët tashmë janë identifikuar qartë si mbështetës dhe kundërshtarë të lidershipit demokrat.

Kreu i Departamentit për 'Kontributet Historike' në PD, Jemin Gjana debatoi ashpër me Sekretaren e Organizatave Partnere të PD dhe gazetaren Valbona Mezini, ndërsa në një moment ka tentuar edhe ta godasë ish-gazetaren. 

Në debat është përfshirë edhe dhëndri i ish-kryeministrit Sali Berisha, Jamarbër Malltezi, drejtues i Departamentit për Mjedisin i cili i ka kujtuar Bashës se i ka dërguar 4 SMS por nuk ka marrë përgjigje.

​Ai iu drejtua gjithashtu Bashës se tendenca e tij për diktat nuk e bën dot atë lider të fortë.