Përgjimi/ Krimet e Rënda “zbarkojnë” te PD, sekuestrohet materiali për Agron Xhafajn

Prokuroria e Krimeve të Rënda është shfaqur sot në selinë e Partisë Demokratike në Tiranë për të sekuestruar pamjet filmike të një përgjimi të publikuar dje nga partia opozitare, që pretendon se ka të bëjë me të Agron Xhafajn.

Prokuroria disa ditë më parë kishte nisur verifikimin e pasurisë së vëllait të ministrit të Brendshëm Fatmir Xhafaj tij dhe përfshirjen e mundshme të tij në trafikun e drogës.

Një ditë më parë vëllai i ministrit Fatmir Xhafaj, Agron Xhafaj kishte depozituar kallëzim penal për tre zyrtarët e PD, Enkelejd Alibeaj, Ervin Salianji dhe Gazmend Bardhi duke i akuzuar se kanë sajuar prova. Agron Xhafaj pretendon se në asnjë moment zëri që është dëgjuar në përgjimin e publikuar dje nuk është i tij.

LEXO EDHE:
Dosja Babale/Gjykata kthen për plotësim të Hetimeve çështjen! Kërkohet ballafaqimi i Hajdarmataj me dy agjentët e SHISH

Kallëzimi penal ndaj tre zyrtarëve Enkelejd Alibeaj, Gazment Bardhi dhe Ervin Salianji u be pasi kete te hene, ishin ata që publikuan një material, që sipas tyre është përgjim ambiental, që provon se organet ligjzbatuese kanë dijeni për aktivitetin kriminal të Agron Xhafajt, si drejtues i një organizate kriminale që kontrollon trafikun e drogës.

PD publikoi dje një bisedë audio të dy personave duke ngritur pretendimin se njëri prej tyre është Agon Xhafaj, vëllai ministrit të Brendshëm. PD tha se kjo bisedë e regjistruar tregon se Agron Xhafaj vijon ende aktivitetin kriminal. Por denoncuesit e këtij përgjimi pra deputetët e Partisë Demokratike, në asnjë moment nuk treguan se kush është personi që ata e quajnë bashkëpunëtori X sikurse nuk i thanë publikut se cili institucion që ka tagrin ligjor të përgjimeve mund ta ketë realizuar atë.

TAG:
• agron xhafaj
• pergjimi i pd-se per agron xhafajn

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  25.2%

• Keq

  61.4%

• Nuk e di

  13.4%

Vota total: 2064

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di