Australia gati të heqë kufizimet anti COVID, kufiri australian do të rihapet për herë të parë në pandemi

Australia do të rihapë kufirin e saj ndërkombëtar muajin e ardhshëm, duke u dhënë liri të shumëpritura qytetarëve të vaksinuar dhe të afërmve të tyre. Që nga marsi i vitit 2020, Australia ka disa nga rregullat më të rrepta të kufirit në botë - madje u ndalon njerëzve të saj të largohen nga vendi.

"Tani është koha për t'u kthyer australianëve jetën e tyre," tha kryeministri Scott Morrison.

Sipas tij njerëzit do të kenë të drejtë të udhëtojnë kur shkalla e vaksinimit të shtetit të tyre të arrijë 80%.  Udhëtimi nuk do të ishte menjëherë i hapur për të huajt, por qeveria tha se po punonte "drejt mirëpritjes së turistëve përsëri në brigjet tona".

Aktualisht, njerëzit mund të largohen nga Australia vetëm për arsye të jashtëzakonshme, siç është puna thelbësore ose vizita te një i afërm që po vdes. Hyrja lejohet për të tjerët me përjashtime, por ka kufij të ngushtë në numrat e mbërritjes. Kjo ka lënë dhjetëra mijëra të bllokuar jashtë shtetit.

Australia ka regjistruar më shumë se 1,300 vdekje nga COVID-19 dhe më shumë se 107,000 raste të infeksionit.

K.T./Shqiptarja.com

TAG:
• Australi
• Koronavirus
• masat anticovid