Një nga ndotësit më të kritikuar në botë, Australia, premtoi se do t'i ulë në zero emetimet e karbonit deri në vitin 2050. Zotimin e bëri kryeministri i këtij vendi, Scott Morrison.
Ai tha se Australia ka plan për të zvogëluar emetimet, porse ai nuk përfshin mbylljen e sektorëve që përdorin lëndë djegëse fosile, e që shkaktojnë ndotje të mëdha.
“Ne nuk do të marrim mësime nga të tjerët që nuk e kuptojnë Australinë. Mënyra australiane ka të bëjë me atë se si bëhet dhe jo a bëhet... Ka të bëjë me realizimin e saj”, tha Morrison.
Për të ndalur efektet e këqija të ndryshimeve klimatike, vendet janë zotuar se do të kufizojnë rritjen e temperaturave në 1.5 gradë Celsius deri në vitin 2050. Kjo kërkon uljen e emetimeve për 45% deri në vitin 2030 dhe arritjen e vlerës zero deri në vitin 2050, thonë shkencëtarët.
Australia i ka zvarritur prej kohësh veprimet e saj klimatike, çfarë ka çuar në mosmarrëveshje midis saj dhe aleatëve strategjikë. Australia është një nga vendet më të ndotura për kokë banori dhe furnizuese kryesore globale e qymyrit dhe gazit.
Morrison tha se më shumë se 20 miliardë dollarë australianë do të investohen në “teknologjitë me emetime të ulëta” gjatë 20 vjetëve të ardhshëm. Ato përfshijnë përpjekjet për kapjen e karbonit në tokë, uljen e kostove të energjisë diellore dhe zhvillimin e industrive më të gjelbra.
Por, nuk ka asnjë plan për të kufizuar karburantet fosile.
“Ne duam që industritë tona të rënda, si minierat, të qëndrojnë të hapura, të mbeten konkurruese dhe të përshtaten, në mënyrë që ato të mbeten në funksion për aq kohë sa e lejon kërkesa globale”, tha Morrison.
Ai tha se kjo do të ndihmojë në ruajtjen e komuniteteve rurale./ REL
Lajme të tjera
-
I nxehtë përvëlues ‘pushton’ Australinë, temperatura arrijnë deri në 47 gradë celsius
16 Dhjetor, 16:10 -
Nën 14 vjeç, pa rrjete sociale, Florida ndalon të miturit të kenë llogari, gjoba për platformat në rast shkelje
15 Dhjetor, 12:22 -
Australia takson të ardhurat e Facebook, Tiktok dhe Google
13 Dhjetor, 14:08 -
Shteti australian miratoi ligjin që dënon fëmijët nga mosha 10 vjeç njësoj si të rriturit, reagojnë aktivistët e të drejtave të njeriut
13 Dhjetor, 09:05 -
Do të përdoret për punët në bagëti, krijohet roboti me AI në Australi
12 Dhjetor, 14:00 -
Mbi 225 tonë kokainë, konfiskohet rekord botëror droge e fshehur në nëndetëse! Autoritetet kolumbiane zbulojnë rrugën e re të trafikut të narkotikëve drejt Australisë
29 Nëntor, 12:54 -
Australia ndaloi përdorimin e rrjeteve sociale për moshat nën 16 vjeç, reagojnë 'Gjigantët e teknologjisë': Proces i nxituar! Fëmijët mund të shtyhen drejt platformave të rrezikshme
29 Nëntor, 09:57 -
Australia ndalon përdorimin e rrjeteve sociale deri në 16 vjeç! Parlamenti miraton nismën e kryeministrit me origjinë shqiptare Anthony Albanese
28 Nëntor, 14:38
-
Australia afër miratimit të ligjit që ndalon rrjetet sociale për fëmijët deri në 16 vjeç
27 Nëntor, 16:33 -
Kryeministri australian e pranon me krenari: Jam shqiptar, kam rrënjë arbëreshe (VIDEO)
26 Nëntor, 21:38 -
Misteri i zhdukjes së australianit në Valbonë/ Zbulohen detaje të reja, mesazhi i fundit me mikeshën e tij
25 Nëntor, 11:27 -
Zhdukja e australianit në Valbonë, gazeta 'The Advertiser' ndërton kronologjinë e ngjarjes
23 Nëntor, 12:55
