POP 5

Lajmet më të lexuara të 5 minutave të fundit

Bota

Austri/ E djathta ekstreme merr mandatin për krijimin e qeverisë së re

Partia austriake e krijuar nga një ish oficer i SS-ëve të Adolf Hitler në vitet 50’ u ngarkua nga presidenti për të krijuar qeverinë e re. Lëvizja vjen pasi kancelari i vendit dha dorëheqjen dhe përpjekjeve të dështuara gjatë fundjavës nga parti të qendrës për të ngritur një qeveri të re

Udhëheqja politike e Austrisë u zhvendos drejt së djathtës ekstreme të hënën. Presidenti i saj ngarkoi liderin e partisë euroskeptike të Lirisë, miqësore ndaj Rusisë, që të formojë një qeveri koalicioni. 

Kjo vjen pasi një përpjekje e qendrës për të mbledhur një koalicion dështoi papritur gjatë fundjavës. Presidenti Alexander Van der Bellen njoftoi lajmin pas takimit me kreun e FPO-së Herbert Kickl. Kickl ka besimin për të gjetur zgjidhje të qëndrueshme brenda kuadrit të negociatave të qeverisë dhe ai e dëshiron këtë përgjegjësi tha presidenti austriak, duke shtuar se e ka udhëzuar Kickl që të hyjë në bisedime me OVP për të formuar një qeveri.

Herbert Kickl do të raportojë tek Presidenti mbi ecurinë e këtyre bisedimeve në mënyrë të vazhdueshme. Njoftimi shënon një përmbysje dramatike për presidentin, i cili dikur drejtonte të Gjelbërit e krahut të majtë dhe ka qenë prej kohësh kritik ndaj Partisë së Lirisë. Protestuesit u mblodhën jashtë pallatit presidencial, duke mbajtur pankarta duke thënë se nuk duan një Austri ekstremiste të krahut të djathtë.

FPO u themelua në vitet 1950 nga një ish-oficer i lartë në elitën SS paraushtarake të Hitlerit. Ajo doli e para në zgjedhjet parlamentare të shtatorit për herë të parë, me më shumë se 29% të votave. Ajo ka qenë në pushtet më parë si një partner i vogël koalicioni, por nuk ka udhëhequr kurrë një qeveri.
 

Xh.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 13:30

    Deri në 700 kWh ulet me 1 lekë çmimi i energjisë për familjet, si ju duket?

Lajme të tjera



×

Lajmi i fundit

Shtëpia e Bardhë: SHBA mbështet një Kosovë sovrane që respekton komunitetet pakicë

Shtëpia e Bardhë: SHBA mbështet një Kosovë sovrane që respekton komunitetet pakicë

8 Janar, 19:23