Austria hedh poshtë ligjin për ndalesën e shamisë në shkolla – kundërkushtetuese

 Austria hedh poshtë ligjin për ndalesën e shamisë në shkolla – kundërkushtetuese

Foto ilustruese

Ligji për ndalimin e shamisë në shkollat austriake, është hedhur poshtë nga Gjykata Kushtetuese e Austrisë duke thënë se masa ishte kundër kushtetuese dhe diskriminuese. Në një deklaratë, gjykata tha se ligji "shkelte parimin e barazisë në lidhje me lirinë e fesë dhe besimit".

Ligji i ndalon vajzat më të reja se 10 vjeç të mbajnë shaminë dhe ai ishte sfiduar në Gjykatën Kushtetuese nga dy fëmijë dhe prindërit e tyre. Masa u miratua në maj të vitit 2019 nga koalicioni i mëparshëm i Partisë së Popullit të qendrës së djathtë (OeVP) dhe Partisë së Lirisë të ekstremit të djathtë (FPOe), vetëm disa ditë para se qeveria të rrëzohej për shkak të korrupsionit.

Në deklaratën e saj gjykata tha se "ndalimi mund të çojë në diskriminim, pasi rrezikon t'a bëjë më të vështirë për vajzat myslimane të kenë qasje në arsim dhe t'i përjashtojë ato nga shoqëria".

Teksti i legjislacionit u përpoq të shmangte akuzat e diskriminimit duke thënë se ndalon "rrobat për mbulesën e kokës të ndikuara në mënyrë ideologjike ose fetare". Gjykata tha se ligji mund të kuptohet vetëm si shënjestër e mbulesave të kokës që përdorin myslimanet.

Vetë qeveria e partive - OeVP-FPOe - kishte thënë se mbulesa e kokës e veshur nga djemtë e komunitetit Sikh ose kipa hebreje nuk do të ndalohej.

Përfaqësuesit e komuniteteve myslimane të vendit, e mirëpritën vendimin e Kushtetueses duke thënë se gjykata i kishte dhënë fund "politikës populiste të ndalimeve".

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Kemi forcën për të dyja frontet', Qatip Osmani: Reflektuam pas humbjes në Kukës, jemi gati për Erzenin

'Kemi forcën për të dyja frontet', Qatip Osmani: Reflektuam pas humbjes në Kukës, jemi gati për Erzenin