Austriakja 'Der Standard':
Bojkotin e dirigjon Berisha

Gazeta e njohur austriake, 'Der Standard' shkruan se pas bojkotit të opozitës qëndron Sali Berisha.

Sipas gazetës, opozita refuzoi një propozim të ardhur nga politikanët e BE për katër ministra teknikë, Avokatin e Popullit dhe kryetarin e KQZ.

“Pas bojkotit qëndron themeluesi i PD, Sali Berisha, i cili dirigjon partinë dhe Bashën. Tek ndërkombëtarët po shtohet shqetësimi se radikalizimi i situatës mund të sjellë dhunë”, thuhet në shkrim.

“Ata po bëjnë fushata elektorale pa bërë një zgjidhje”, shkruan “Der Standard”. Gjatë protestës së të shtunës, Lulzim Basha deklaroi deri edhe fillimin e një “republike të re”.

“Për të parën herë që prej 1991-shit, kjo parti nuk do të shkojë në votime. Por Shtetet e Bashkuara dhe blloku europian do ta pranojnë rezultatin e zgjedhjeve, pavarësisht bojkotit të PD-së”, thuhet më tej në shkrim.

Më tej theksohet se shkak i kësaj situate është reforma në drejtësi.

SHBA dhe BE do të pranojë rezultatin e zgjedhjeve pavarsisht bojkotit të PD-së. 

Më tej krahas reformës në drejtësi e cila është një nga kërkesat kryesore të SHBA dhe BE në shkrim përmendet edhe rasti i gazetarit Myftaraj dhe  ambasadores së BE Vlahutin  duke shtuar se kjo e fundit është në presion për shkak të zhvillimeve të fundit.
 
“Situata në Shqipëri është simptomatike për marrëdhëniet e paqëndrueshme dhe dobësinë e SHBA në Europën Juglindore, që kur Donald Trump mori pushtetin,” shkruan gazetarja Adelheid Woelf në fund të artikullit.

Ky shkrim vjen në kohën kur Tiranën e viziton një zyrtar i Departamentit të Shtetit, në përpjekje për të zgjidhur krizën.



(Artikulli sot ne Der Standard)

(d.b/e.m/Shqiptarja.com)

TAG:
• kqz