POP 5

Lajmet më të lexuara të 5 minutave të fundit

Kosova & Rajoni

Automjeti me targa serbe përplas policin kosovar dhe makinën e patrullës, shoferi arratiset me vrap nga vendngjarja

Sipas mediave kosovare, incidenti ka ndodhur pasi patrulla i ka bërë me shenjë automjetit të ndalojë për një kontroll, thirrje e cila nuk është respektuar nga shoferi.

Automjeti me targa serbe përplas policin kosovar dhe makinën e patrullës, shoferi arratiset me vrap nga vendngjarja

Një patrullë e policisë së Kosovës është përplasur ditën e sotme nga një automjet me targa të Novi Pazarit në fshatin Suhodoll të Mitrovicës së Veriut.

Shoferi i automjetit, identiteti i të cilit akoma nuk dihet, teksa po drejtonte automjetin ka përplasur një efektiv të policisë së Kosovës dhe makinën e patrullës.

Sipas mediave kosovare, incidenti ka ndodhur pasi patrulla i ka bërë me shenjë automjetit të ndalojë për një kontroll, thirrje e cila nuk është respektuar nga shoferi.

Policia ka kundër reaguar ndaj këtij sulmi duke shtënë me armë zjarri drejt makinës, por ka pasur vetëm dëme materiale.

Sipas policisë, shoferi ka arritur të dalë nga makina dhe është arratisur në këmbë duke vrapuar.

Ndër të tjera, blutë e Kosovës, njoftojnë se ka gjetur 2 kilogramë drogë në makinën me targa serbe.

“Rreth orës 12 e 40 në Suhodoll derisa policia kishte bërë përpjekje për të ndaluar një veturë e cila dyshohej se kishte narkotikë, shoferi i saj ka goditur me veturë policin i cili ishte në këmbë e po ashtu edhe veturën e policisë. Në përpjekje për ta ndaluar sulmin nga vetja, policia ka shtënë me armë zjarri por nuk ka të lënduar”, tha zëvendëskomandanti i Policisë së Kosovës për rajonin e veriut, Veton Elshani, në një prononcim për mediat e Kosovës.

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fatosi-kosove: 13/01/2024 19:07

    Ne gjithe boten kur policia sulmohet perdoret arma si mjet u fundit per ta ndaluar kriminelin apo kriminelet, ne ket rast poashtu pa i paragjykuar policet e them se eshte dashur te ndalohet krimineli gjalle apo vdekur edhe pse pastaj ndoshta polici pergjegjs do te ishte larguar e ndoshta edhe burgosur por ndryshe kriminelet nuk ndalojne te vrasin e shkelin edhe me véturee policet,ky duhet te jet nje mesazh i qarte se shteti funksionon.

    Përgjigju
  • Sondazhi i ditës:

    Çfarë prisni në vitin 2025?

Lajme të tjera



×

Lajmi i fundit

Si të arrini planet në Vitin e Ri

Si të arrini planet në Vitin e Ri

1 Janar, 11:49