Axhenda e festimeve për Pavarësinë
Rama: Jessie J, jo e vetmja surprizë

Në prag të 28 dhe 29 nëntorit Kryeministria ka bërë publike edhe axhendën e aktiviteteve dhe festimeve në këto dy ditë. Ndërkohë që kryeqyteti prej dy ditësh është veshur me ngjyrat kuq e zi, duke vendosur flamuj përgjatë bulevardit “Dëshmorët e Kombit”, festimet do të shtrihen edhe në qytete të tjera të vendit. Kështu, nesër në orën 10:00 qeveria do të nisë festimet për 102-vjetorin e Pavarësisë nga qyteti i Vlorës, ku kryeministri Rama së bashku me ministrat e kabinetit të tij qeveritar, do të zhvillojnë ceremoninë e vendosjes së Kurorave në Monumentin e Pavarësisë. Në këtë aktivitet do të jetë i pranishëm edhe presidenti Bujar Nishani. Festa e Pavarësisë, zbardhet ​axhenda e Presidentit Nishani
 
Po kështu edhe Bashkia e Tiranës ka publikuar listën e aktiviteteve për festat e nëntorit, por duke lënë jashtë datën 29 nëntor. Bashkia i “lë Tiranën” qeverisë për festën e 29 Nëntorit
 
Kreu i Bashkisë e njëkohësisht kryetari i Partisë Demokratike Lulzim Basha prej kohësh nuk realizon asnjë aktivitetet në datën 29 nëntor e cila përkon edhe me e Çlirimit, pasi në Partinë Demokratike njihet vetëm festa e Pavarësisë në datën 28 nëntor.
 
Madje Bashkia e Tiranës ka ndërprerë festimet e Natës së Bardhë ose të Dritave të kthyera në traditë gjatë viteve të fundit në Shqipëri. Ndërkohë që Kryeministria në festimet e datës 29 nëntor, ka parashikuar një sërë aktivitetesh festive duke qenë se kjo datë përkon edhe me Natën e Bardhë, një traditë e nisur nga kryeministri Rama në kohën kur ishte Kryetari i Bashkisë së kryeqytetit.

Rama: Jessie J, jo e vetmja surprizë për festimet e Pavarësisë
Në kuadër të fetimeve për 70-vjetorin e Çlirimit, Kryeministri i vendit Edi Rama ka publikuar në profilin e tij disa nga surprizat që priten për atë mbrëmje. Ai ka konfirmuar praninë e këngëtares Jessie J në një koncert special në sheshin Nënë Tereza në orën 19:00.
 
“29 nëntor një natë e jashtëzakonshme mes festës së dritave, Nata e Bardhë e surprizave, Jessie J, Elhaida  dhe jo vetëm,”-shkruan Rama në Tëitter.
 
 Një tjetër aktivitetet që priten në datë 29 nëntor është edhe festivali i dritave. Por duket se vëmendja do të fokusohet tek koncerti I këngëtares së njohur britanike Jessie J.


 
 
Elhaida Dani më e emocionuar së kurrë  pjesë e koncertit të Jessie J
 
Këngëtarja britanike Jessie J pritet të këndojë në datën 29 nëntor në Tiranë, gjatë festimit të 70-vjetorit të Çlirimit.

Mbështetëse në këtë koncert mësohet se do të jetë këngëtarja Elhaida Dani.  

Vetë Dani është shprehur më entuziaste se kurrë që do të ndajë skenën me këngëtaren me famë botërore.

“Jessie J në Tiranë ... Jam kaq e emocionuar të jem suport act i këtij koncerti! Do jap më të  mirën time.”-ka theksuar këngëtarja në Facebook.  

 
 

Aktivitetet në Tiranë gjatë festive të 28-29 Nëntorit:
 
 
28 Nëntor 2014
 

10:00 – Ceremonia e vendosjes së kurorave në Monumentin e Pavarësisë në Vlorë
 
 
29 Nëntor 2014

10:00 – Ceremonia e vendosjes së kurorave në Varrezat e Dëshmorëve
 

11:30 – Parada Ushtarake në Ministrinë e Mbrojtjes
 

17:00 – Ekspo “Këndvështrime”, në Hollin Protokollar në Kryeministri
 

18:00 – Festivali i Dritave
 

19:30 – Pritje në Pallatin e Kongreseve me rastin e 70 vjetorit të Çlirimit
 

22:00 – Koncert & Nata e bardhë, Sheshi “Nënë Tereza”