'Babi të lutem mos vdis', ushtarët rus vrasin ukrainasin në mes të rrugës! Pamjet rrëqethëse regjistrohen nga i biri, nuk ndalet dhimbja

"Babi të lutem mos vdis", bërtet me dënes një zë...është një djalë që humbi të atin në mes të rrugës nga dora e ushtarëve rusë, atyre që nuk "sulmojnë popullsinë civile".

Një video tronditëse ku vritet një burrë ukrainas po shokon rrjetin orët e fundit.

Djali që regjistroi pamjet rrëqethëse emri i të cilit nuk është bërë i ditur nga mediat lokale  ishte duke filmuar nga sedilja e pasagjerit, kur makina, shofer i së cilës ishte i ati, ndaloi anës rrugës pasi u ndesh me një autokolon ruse.

"Dil dhe shtrihu", ulëriti një zë! "Dëgjon? Dil direkt jashtë!"

Si mund të mos i bindej burri? Iu bind! Me shpresën se mund të shpëtonte jetën e tij dhe të djalit, që e priste në sediljen e pasagjerit.

Por ajo çka gjeti ishte vdekja! Pas të shtënave u dëgjua vetëm dhimbje...dhimbja pa masë, ta qara me dënes dhe gjak i pafajshëm ukrainas...

'Babi! Babi! Të lutem mos vdis, qëndro me mua", bërtet djali, teksa me kamerë në dorë shkon me vrap pranë të atit.

Kështu humbi jetën një tjetër ukrainas!

J.GJ./Shqiptarja.com

TAG:
• kriza ukraine-rusi
• rusia sulmon ukrainen
• ukraine