Bajram Begaj u propozua nga Partia Socialiste për postin e Kreut të Shtetit mbasditën e sotme, ndërkohë ka ardhur reagimi nga grupi i PD i cili e cilëson kandidatin e socialistëve, si zgjedhje që vjen nga mafia shtetërore. Duket se këto akuza janë vazhdim i akuzave të bëra edhe më parë nga PD në lidhje me abuzimin me pronat e ushtrisë duke i dhënë në favor të oligarkëve. Vetëm një javë më parë Partia Demokratike zhvilloi edhe një interpelancë me ministrin e Mbrojtjes Niko Peleshi në Kuvend. Interpelanca kishte të bënte me dhënien me qira dhe koncesion të pronave të bazave të ushtrisë. Sipas deputetit të Partisë Demokratike, Ferdindand Xhaferrajt qeveria shqiptare po jep bazat ushtarake detare dhe ajrore për projekte turistike, akuza këto që u rrëzuan nga ana e ministrit.
Në një reagim në rrjetet sociale, kryetari i Grupit Parlamentar të PD-së, Enkelejd Alibeaj konfirmon edhe se PD nuk do të marrë pjesë në votimin që do të zhvillohet nesër në Kuvend.
“Asnjë surprizë nga procesi personal i Edi Ramë për zgjedhjen e Presidentit të Republikës. Ai nxorri sot nga xhepi zarfin me emrin e kandidatit të paracaktuar nga mafia e pronave shtetërore. Grupi Parlamentar i Partisë Demokratike kishte paralajmëruar se Edi Rama i ka farsë përbetimet për President konsensual dhe gjithëpërfshirës. Moslegjitimi i kësaj farse të paralajmëruar nga ana jonë, qoftë edhe me votë kundër, është detyrë e çdo deputeti të Opozitës.
Pjesemarrja në votim nënkupton që ti japësh fytyrën e normalitetit demokratik regjimit të Edi Ramës, ndërkohë që ai po ndërmerr një akt tjetër personal për të asgjesuar një tjetër institucion kushtetues të pavarur. PD nuk mund të jetë në seancë si fasadë për të legjitimuar kapjen e institucionit të Presidentit, as dëshmitare e atij procesi, sa kohë rezultati i votimit dihet. PD nuk mund të votojë një President që del nga xhepi i Edi Ramës, jashtë një procesi gjithëpërfshirës dhe transparent”, shkruan Alibeaj.
Të pranishëm në fakt do të jenë deputetët e 'Rithemelimit'. Ish-kryeministri Sali Berisha do të marrë pjesë në seancën e ditës së nesërme në Kuvend. Berisha tha sot gjatë konferencës për shtyp se vota e tij do të jetë kundër çdo kandidature të socialistëve.
Kryesia e Partisë Socialiste u mblodh sot në orën 17:00 për të diskutuar për emrat e kandidatëve për president që PS i kishte bërë më parë me anë të një procedure ku çdo deputet mund të propozonte 3 kandidatë. Pas diskutimeve në mbledhjen e Kryesisë duket që emri i Gjeneralmajor Bajram Begaj ka qenë emri që ka marrë konsensusin e gjithë anëtarëve
Anëtari i Komisionit të Rithemelimit, Genc Pollo ka reaguar menjëherë pasi kryemnistri Edi Rama bëri me dije se do të propozojnë Bajram Begajn si presidentin e ri të vendit.
"B. Begaj ka direkt përgjegjësi morale, civile si dhe penale për zhvatjen e bazave detare të Forcave të Armatosura! Ai nuk mund të jetë President i Republikës!!! As Kryekomandant i Forcave të Armatosura!!!", shkroi Pollo.
Reagimi i Genc Pollos në Facebook
Lëvizja Socialiste për Integrim ka konfirmuar pjesëmarrjen në seancën e posaçme që do të mbahet për votimin e presidentit të ri. LSI do të mbajë të njëjtin qëndrim si Sali Berisha. Nënkryetari i partisë, Petrit Vasili tha se do të marrin pjesë, por do të votojnë kundër çdo kandidati të propozuar nga Partia Socialiste.
“Deputetët e LSI do të marrin pjesë nesër në seancë dhe do të votojnë kundër, gjymtyrës, dorës që Edi Rama do të çojë në Kuvendin e Shqipërisë nëpërmjet së cilës mendon dhe ka iluzionin se mund të shesë kufijtë e republikës së Shqipërisë. Ky pazarxhi kufijsh, që i ka filluar pazaret me kufijtë e Kosovës, do t’i vazhdojë me kufijtë e Shqipërisë e së bashku me ‘Ballkanin e Hapur’ të tij është demonstruar si një kryeministër, anti shqiptar, anti patriot dhe nesër do që të shënojë një hap të ri në anti shqiptarizmin mafioz të tij. Ndaj qëndrimi do të jetë i pa kompromis, refuzues, kundërshtues si qëndrim legjitim dhe që është qëndrim që shpreh atë që populli shqiptar kërkon”, tha Petrit Vasili në një deklaratë për mediat.
Partia Demokratike nuk do të marrë pjesë në senacën parlamentare ku do të votohet Presidenti i ri i vendit. Lajmin e ka dhënë pak minuta më parë, Enkelejd Alibeaj. Ai tha se “Ky është një proces që vetëm nga ne nuk u bojkotua”.
“Qëndrimi ynë tashmë është i kuptueshëm për këdo. Që në fillim ne jemi futur në këtë proces për ato që ishin detyrime kushtetuese, morale e politike. Ne pa asnjë lloj kompleksi dhe pa u fshehur u futëm në këtë proces. Morëm pjesë dhe përcaktuam rregullat se si procesi duhet të bashkërendohej dhe i përbashkët. Me gjithë tërheqjen dhe mospërmbushjen e detyrës nga ana e Partisë Socialiste. U provua që Rama nuk kishte asnjë lloj synimi që t’i jepte shqiptarëve atë President që thotë Kushtetuta. Presidenti duhet të ishte i të gjitha palëve, dhe këtij procesi në i bëmë të gjitha shërbimet”, tha ai.
Ish-Kryeministri Sali Berisha pritet që të marrë pjesë në seancën e ditës së nesërme në Kuvend.
Berisha gjatë konferencës për shtyp deklaroi se vota e tij do të jetë kundër çdo kandidature.
"Ne nuk i njohim të drejtë legjitimi Ramës duke marrë parasysh batërdinë e madhe në zgjedhjet, bashkë me pratonazhistët. Ne besojmë se do të ishte e drejtë një president i zgjedhur nga opozita. Rama do që të marrë marr 100 % të pushteti ti njësoj si Aleksandër Lukashenko. Marrja e Presidencës do t'i japin një pushtet. Ne do të jemi aty dhe do të votojmë kundër", tha Berisha
Komente
Lajme të tjera
-
Zgjedhjet e 2025/ Berisha i ankohet Këshillit të Diasporës për qeverinë dhe Sorosin: Gjyqe politike ndaj opozitës, qeveri teknike për garantimin e votës së emigrantëve
20 Dhjetor, 15:19 -
'Ore hapeni rrugën se kam fëmijët në shkollë', opozita përplaset me qytetarët para Bashkisë së Tiranës, iu bllokon rrugën
20 Dhjetor, 13:31 -
Berisha sulmon Dumanin dhe del kundër SHBA: E ka vendin në burg, amnistoi krimet elektorale, s'mund t'i zgjatet mandati! Merr 100 mln lekë në vit, mercenar i partisë
20 Dhjetor, 13:04 -
Presidenti Begaj: Media profesionale po sfidohet nga lajmet e rreme! Përdorni pushtetin me përgjegjësi, jepni dhe zërin e qytetarisë
19 Dhjetor, 21:46 -
Pas dekretimit nga Presidenti Begaj, ligji për Buxhetin e Shtetit botohet në fletoren zyrtare! Ja kur hyn në fuqi
19 Dhjetor, 18:51 -
Ylli Pata: Opozita rikthehet vetëm nëse bën 'Kongresin e 10' për të dënuar Sali Berishën!
19 Dhjetor, 17:59
-
Shqipëria e Kosova nesër mbledhje të përbashkët të dy Kuvendeve, ‘përjashtohen’ Berisha e Basha! Lista e deputetëve pjesëmarrës
19 Dhjetor, 14:16 -
Përplasje në Kuvend, 'mollë sherri' Bashkim Ulaj dhe interpelanca me Ballukun! Shehaj bllokon 4 orë foltoren, Spiropali e përjashtoi, Noka e shtyn me forcë
19 Dhjetor, 08:07 -
Mero Baze: SPAK dhe si një radiografi e demokracisë në PD
18 Dhjetor, 22:31
-
Presidenti Begaj pret Këshillin e Diasporës: Vota e emigrantëve e rëndësishme, shteti duhet të mbrojë të drejtat tuaja!
18 Dhjetor, 15:58 -
Berisha: Komision Hetimor për Portin e Durrësit dhe interpelancë! Falje e gjobave dhe kamatë-vonesave për energjinë! Akuza dhe Dumanit
18 Dhjetor, 13:40 -
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30
Si ta votoni si mos ta votoni zgjedhja eshte bere e duhur.
PërgjigjuPerdersa jeni kunder shefit te shtabit te pergjthshem, ju nuk doni as ushtrine Shqipetare, as Shqiperine as Shqipetaret i keni dhene provat me kohe kush jeni.
Përgjigju