Kjo vepër është ngjitur në skenë edhe nga koreografi i mirënjohur Ilir Kerni, ku dy balerinët Enada Hoxha dhe Gert Vaso kanë qenë protagonistë, duke e bërë “Arrëthyesin” një nga premierat më të suksesshme të repertorit.
Këtë herë Enada Hoxha me Gert Vason i japin koreografisë gjithë dashurinë dhe një koncept të veçantë.
''Vepra do të jëtë 100% e krijimit tonë. Mua më vjen mirë që përveç besimit nga drejtoresha Zana Çela, mendoj që puna jonë e madhe orar pa orar do të sjellë diçka interesante'', u shpreh Enada.
Ne premierën “Arrëthyesi” do të interpretojnë rolet kryesore Ervis Nallbani e Ledia Sulaj bashkë me trupën e baletit.
Dy balerinët kanë qenë protagonist edhe në premierën e Kernit. Ndërsa dirigjenti i orkestrës është Ricardo Casero.
Që në momentin e krijimit si balet "Arrëthyesi" ka fituar një popullaritet në ngjitjet skenike dhe është në repertorët e teatrove të mëdhenj kudo në botë.
Historia rrjedh nga tregimi "Arrëthyesi dhe Mbreti i minjve", i Erenst Theodor Amadeus Hoffmann. "Arrëthyesi" u luajt për herë të parë nën drejtimin e vetë kompozitorit, më 19 mars 1892 në Shën Petersburg.
Redaksia Online
XH.K/Shqiptarja.com