POP 5

Lajmet më të lexuara të 5 minutave të fundit

Politikë

Balla: Imami shet për skrap
pasuritë e Forcave të Armatosura

Deputeti socialist Taulant Balla, njëherësh anëtar i kryesisë së Partisë Socialiste, akuzon krerët e Ministrisë së Mbrojtjes se me pasuritë e këtij institucioni kanë kryer krime dhe vjedhje, nën justifikimin se po shesin skrapin e armëve, helikopterëve dhe mjeteve që nuk do të përdoren më nga Forcat e Armatosura.
TIRANE- Deputeti socialist Taulant Balla, njëherësh anëtar i kryesisë së Partisë Socialiste, akuzon krerët e Ministrisë së Mbrojtjes se me pasuritë e këtij institucioni kanë kryer krime dhe vjedhje, nën justifikimin se po shesin skrapin e armëve, helikopterëve dhe mjeteve që nuk do të përdoren më nga Forcat e Armatosura.
 
Përmes një shkrimi në faqen e tij në rjetin social “Facebook”, Balla ka deklaruar se ministri Arben Imami dhe drejtuesit e tjerë do të hetohen gjerësisht për këto abuzime, që siç i cilëson ai, janë shkatërruese për ushtrinë dhe ekonominë e trashëguar të Ministrisë së Mbrojtjes.
 
Sipas deputetit socialist në emër të skrapit në këto 8 vjet janë kryer veprime shumë të errëta me pasuritë e Ministrisë së Mbrojtjes.
 
“Në emër të skrapit”, shkruan Balla, “Shkëlzen Berisha dhe Fatmir Mediu vranë 26 njerëz në Gërdec dhe Shqipërisë i janë vjedhur qindra milionë dollarë armatim, i raportuar skrap dhe i shitur vendeve në konflikt, duke shkeluar ligjet ndërkombëtare”.
 
Deputeti Taulant Balla fokusohet në tenderin e datës 26 Gusht, në të cilin ministri Imami veç shitjes për skrap të avionëve, helikopterëve dhe mjeteve të tjera të ushtrisë, ka planifikuar të shesë për skrap edhe dy anije anije silurkapëse dhe një tjetër polumbare.
 
“Shqipëria është i vetmi anëtar i NATO-s, ndaj të cilit OKB ka kryer hetime për trafik ndërkombëtar armësh në Libi dhe vende të tjera në konflikt”, përfundon shkrimin e tij në rrjetin social “Facebook”, anëtari i kryesisë së Partisë Socailiste, Taulant Balla.

Redaksia Online
(g.m/e.s/shqiptarja.com)

/Shqiptarja.com
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Pete Hegseth bën betimin si Sekretar i Mbrojtjes, mesazh ushtarakëve amerikanë: Do të jemi forca më e fuqishme dhe më vdekjeprurëse në botë

Pete Hegseth bën betimin si Sekretar i Mbrojtjes, mesazh ushtarakëve amerikanë: Do të jemi forca më e fuqishme dhe më vdekjeprurëse në botë

26 Janar, 07:43