Nga foltorja e Kuvendit, Taulant Balla sfidoi Agron Shehajn të votojë pro heqjes së imunitetit të tij kur prokuroria italiane të bëjë kërkesën. Me ironi, kreu i grupit të PS tha se nesër është Dita Botërore e WC-ve dhe do të përdorë fjalët e kreut të partisë Mundësia.
Gjatë replikës, Balla përdori edhe ironi dhe ndaj deputetit të opozitës, referuar pasurisë së tij - truallin plus ndërtesë vetëm 251 m2 në Itali që Shehaj ka deklaruar se e ka shitur shtatorin e kaluar për plot 15 milionë euro.
“Agron, nesër është Dita Botërore e WC-ve. E ka shpallur OKB. Fjalët e tua do t’i përdor nesër. Një gjë po ta them. Unë të sfidoj dhe të them kur të vijë kërkesa nga prokuroria italiane për imunitetin tënd, do ta votosh apo nuk do ta votosh. Nëse je aq dashmirës për atë djalin, një nga ato 15 milionë eurot, nga ato shtëpitë se ti je gjeni, je i paparë, 15 milionë euro një vilë. Je një hajdut, fundi yt dihet! Ti do ta votosh kërkesën nga prokuroria italiane për heqjen e imunitetit tënd? E voton apo nuk e voton?”, tha Balla.
Lajmi kryesor:
Kuvend/ 14 orë seancë maratonë, pr.buxheti dhe paketa fiskale miratohen në parim me 80 vota pro! Opozita voton kundër









