POP 5

Lajmet më të lexuara të 5 minutave të fundit

Politikë

Balla: Sqarim nga ILDKP, çifti
Berisha-Malltezi me 600 mln lekë/vit

Deputeti socialist, Taulant Balla ka kërkuar nga ILDKP të sqarojë këtë deklaratë të pasurisë, por edhe Drejtorise së Tatimeve të zbardhë nëse ky çift ka paguar tatimin mbi të ardhurat. PS: Argita, mësuesja më e paguar në Europë PS: Argita paguhet ta zv/presidenti amerikan Balla: Berisha nuk deklaroi burimin e 10 mln lekëve
Balla: Sqarim nga ILDKP, çifti <br />Berisha-Malltezi me 600 mln lekë/vit
TIRANE - Partia Socialiste ka vazhduar për të pestën ditë radhazi të denoncojë deklarimin e pasurisë së familjes së Kryeministrit Berisha. Në një konferencë për shtyp ditën e sotme deputeti i Ps-së, Taulant Balla deklaroi se pasurisë prej 313 milionë lekë në vit të çiftit Argita Berisha-Jamarbër Malltezi i është shtuar një apartament, një dyqan dhe një garazh që sipas deklaratës së tyre i kanë fituar nga trashëgimia e gjyshes dhe motrës së gjyshes. Në këtë mënyrë balla theksoi se pasuria e vajzës dhe dhëndrit të Kryeministrit shkon në 600 milionë lekë në vit.

“Pasuria prej 313 milionë lëkë në vit është shtuar më një apartament, një dyqan, një garazh nga trashëgimia e gjyshes dhe motrës së gjyshes. Çifti Argita Berisha e Jamarbër Malltezi nga paga si mësues, nga qeraja dhe nga trashëgimia e gjyshes dhe motrës së gjyshës arrin në rreth 600 milionë lëkë”, deklaroi Balla.

Më tej deputeti socialist ka kërkuar nga ILDKP të sqarojë këtë deklaratë të pasurisë, por edhe Drejtorise së Tatimeve të zbardhë nëse ky çift ka paguar tatimin mbi të ardhurat.

“Kërkojmë nga ILDKP sqarime pikërisht për këto të dhëna që Jamarbër ka depozituar në deklaratën e pasurisë, ku thotë se paska përfituar një apartament, një dyqan, një garazh nga trashëgimia e gjyshes dhe motrës së gjyshes. Kërkojmë nga Drejtoria e Tatimeve të na zbardhë nëse ky çift ka paguar tatimin mbi të ardhurat”, tha deputeti i PS-së.

Në fund të deklaratës së tij deputeti i PS-së duke supozuar se vajza dhe dhëndri i Kyeministrit i kanë paguar detyrimet tatimore, me taksën e sheshtë të vendosur nga qeveria aktuale paguajnë 10 milionë më pak, krahasur me taksën progresive të 2007.

“Sot po supozojmë se i kanë paguar detyrimet tatimore. Ky bllok i ri blu është duke bllokuar zhvillimin e vendit. Sot një familje biologjike dhe politike është duke u pasuar në kurriz të familjeve të ndershme shqiptare. 70 milionë lekë në vit fiton Jamarbër Malltezi si mësues. I bie që ka një rrogë 5.8 milionë dhe me taksën e sheshtë ky paguan 10 %. Nëse do të ishte në fuqi taksa progesive e 2007 do duhet të paguante 9 milion e 894 mijë lekë. Ndërkohë ky paguan shumë më pak me taksën e sheshtë të miratuar nga gjyshi. 12 milionë në lekë në muaj paguhet nga mësimdhënia Argita Malltezi dhe paguan 10 % nga 18,6 % që duhet të paguan me taskën progresive. 10 milionë lëkë më pak për shtetin. Taksa e sheshtë e kësaj qeverie të bllokut blu i takson më shumë qytetarët. Një mësues i thjeshtë me taksat e miratuara nga Sali Berisha paguan më shumë sesa vajza dhe dhëndri i tij, të cilët paguhet njëra 12 milionë lekë në muaj dhe dhëndri 7 milion lekë në muaj. Kjo është Shqipëria e Sali Berishës ku ligjet ndryshojnë në interes të tij dhe shqiptarët vuajnë korrupsionin dhe varfërinë”, theksoi Balla.

Redaksia online
(eç/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça