Ish-deputeti i PD, Klevis Balliu i pranishëm në protestën e banorëve të Astirit ka vijuar të hedhë akuza ndaj qeverisë Rama. Balliu ka deklaruar se Rama ka futur provokator dhe Forcat Speciale për të shpërndarë banorët e Astirit por që nuk ia ka dalë dot.

Ndër të tjera Balliu deklaroi se tashmë pasi banorët e astirit u bënë bashkë as Forcat Speciale nuk guxojnë të hyjnë në zonën e Astirit.

"Rama ka futur banditët nëpër zyra që të mos ngrejnë kokë. Të njëjntën gjë u mundua të bëj me ju, duke futur provokator duke sjellë Forcat Speciale, I shporrrëm nga unaza dhe sot nuk kanë b*thy që të hyjnë në Astir. Të gjithë qytetarët duhet të na mirëkuptojmë, ajo që është më e shëmtuar është që dëgjojmë Edi Ramën dhe Erion Veliaj që thonë se nuk më intereson se prishen shtëpitë, nuk më intereson se tenderi ka qenë korruptiv më të treja lotet, por do të fitojnë te Astiri. Por si mund të fitosh ti kur ti nuk vjen dit dot këtu." ka deklaruar ndër të tjera Balliu.