BALLSH-Një zjarr ka përfshirë mëngjesin e sotëm rreth orës 07:20 Uzinën e Përpunimit të Thellë të Naftës në Ballsh, duke plagosur një person. Policia bën me dije se ka pësuar dëmtime të lehta Vladimir Ymeri 53 vjeç, si dhe janë djegur mbetjet toksike të naftës.

Shkak i ngjarjes ka qenë shpërthimi i një tubacioni gazi nga presioni, ndërsa i plagosuri është ndërguar në spital dhe ndodhet jashtë rrezikut për jetën. Vladimir Ymeri ka marrë mjekim në spital, ndërsa po hetohet për shkaqet që solli zjarrin.

 

Para 7 muajve në të njëjtin vend humbi jetën një punëtor pas shpërthimit që ndodhi në uzinë. Policia pas ngjarjes së stome ka mbërritur duke nisur hetimet.

Njoftimi i policisë Fier
"Sot rreth orës 07:20, në Uzinën e Përpunimit të Thellë të Naftës në Ballsh, në repartin e "Koksit" ka rënë zjarr (digjen mbetjet toksike të naftës). Si pasojë e zjarrit është dëmtuar lehtë shtetasi L.Y, 53 vjeç, banues në fshatin Drenovë, Mallakastër (punëtor i këtij reparti), i cili po merr mjekim në spital.

Në vendngjarje kanë shkuar forcat zjarrfikëse, të cilat po punojnë për shuarjen e plotë të zjarrit, i cili është vënë nën kontroll. Grupi hetimor po punon për zbardhjen e plotë të ngjarjes".
digjet te uzina naftes ballsh

Vladimir Ymeri duke u mjekuar në spital

d.c./shqiptarja.com